Мемлекет басшысы Қасым-Жомарт Тоқаев Қазақстанға мемлекеттік сапармен келген Өзбекстан Республикасының Президенті Шавкат Мирзиёевті Ақордада қарсы алды, деп хабарлайды inbusiness.kz сайты.
Салтанатты рәсімдер залында құрмет қарауылы сап түзеді. Екі ел басшылары бір-біріне министрлерді таныстырып, одан соң президент оркестрі екі мемлекеттің Әнұранын орындады.
Мемлекеттік сапар аясында жоғары деңгейде екіжақты келіссөздер жүргізіліп, бірқатар маңызды құжатқа қол қойылады деп жоспарланып отыр.
Айта кету керек, елімізге Өзбекстан Президенті мемлекеттік сапармен келді. Қазақстан Өзбекстанның мақта-тоқыма өндірісіне қызығушылық танытып отырғанын жазған болатынбыз. Екі ел бірлескен жобаларды жүзеге асырып жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
