Баннер втб
RU KZ
Тұрғын үй-коммуналдық шаруашылығы саласында 100-ден аса жемқорлық тіркелді

Тұрғын үй-коммуналдық шаруашылығы саласында 100-ден аса жемқорлық тіркелді

06 Ақпан 2020 16:32 368

Тұрғын үй-коммуналдық шаруашылығы саласында 100-ден аса жемқорлық тіркелді
2019 жылы мемлекетке пара беруден 2,5 млрд теңге залал келген.

2019 жылы тұрғын үй-коммуналдық шаруашылығы  саласында 104 парақорлық фактісі тіркелді, деп хабарлады Интерфакс-Қазақстан Сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.

«Статистикалық мәліметтер бойынша тек 2019 жылы сыбайлас жемқорлыққа қарсы қызмет аталған салада 104 қылмысты қарады. Оның 91-ін жемқорлыққа қарсы қызмет тіркеп, 56-сын тергеп, кейін 49-ы сотқа жіберілді. 20-дан астам лауазымды тұлға жауапқа тартылды»,–делінген хабарламада.

2019 жылы аталған қылмыстардан мемлекетке 2,5 млрд теңге залал келген. Бұл қаражаттың шамамен 100%-ы қайтарылды.

Жалпы 2017-2019 жылдар аралығында ТКШ және энергетика саласында 300-ден аса пара беру фактісі тіркелген. Нәтижесінде 288 іс сотқа жіберіліп, 78 адам жауапқа тартылған.