Министр көшпелі егу бригадалары жұмыс істейтінін мәлімдеді, деп хабарлайды inbussines.kz тілшісі.
"Өндірушілермен жүргізіліп жатқан келіссөздерді ескере отырып, Қазақстанға бірінші жартыжылдықта вакцинаның 6 млн-нан астам дозасын жеткізу жоспарланған. Бұл вакцинациялауға жататын контингенттің 64%-ын қамтуға жағдай жасайды. Аталған көлем КВИ-ге қарсы вакцинациялауға жататын контингентті барынша кеңейтуге және тегін екпе алуға ниет білдірген тұлғаларға қолжетімділікті қамтамасыз етуге мүмкіндік береді", – деді Алексей Цой.
Министрдің мәлімдеуінше, еңбек ұжымдарына және адамдар көп жиналатын орындарда вакцинация жүргізу мақсатында жылжымалы егу пунктері ашылады.
"Облыстардың, Алматы, Нұр-Сұлтан және Шымкент қалаларының әкімдері халықты КВИ-ге қарсы вакцинациялаумен қамтуды арттыру үшін адамдар көп жиналатын жерлерде уақытта егу пунктттерін ұйымдастыруға тиіс. Көшпелі егу бригадаларды екпе жүргізу үшін термоконтейнермен, вакцина сақтауға арналған тоңазытқышпен қамтамасыз ету қажет", – деді Алексей Цой.
Қанат Махамбет
