Жаңа автомобиль модельдерінің Өзбекстанмен бірлескен өндірісі ашылды

Жаңа автомобиль модельдерінің Өзбекстанмен бірлескен өндірісі ашылды

Телекөпір аясында екі елдің Премьер-Министрлері «СарыарқаАвтоӨнеркәсіп» ЖШС және «UzAuto Motors» АҚ бірлескен жобасын ресми түрде іске қосты.  

28 Наурыз 2020 13:21 171

Жаңа автомобиль модельдерінің Өзбекстанмен бірлескен өндірісі ашылды

Фото: primeminister.kz

ҚР Премьер-Министрі Асқар Мамин Қостанай қаласына жұмыс сапары барысында Қостанай автомобиль зауытында «Chevrolet» маркасының жаңа модельдерінің Қазақстан-Өзбекстан бірлескен автоқұрастыру желісінің ашылу салтанатына қатысты, деп хабарланды үкімет басшысының ресми сайтында.

Телекөпір аясында ҚР Премьер-Министрі А. Мамин мен ӨР Премьер-Министрі А. Арипов «СарыарқаАвтоӨнеркәсіп» ЖШС және «UzAuto Motors» АҚ бірлескен жобасын ресми түрде іске қосты. Жаңа өндірістік желіде осы жылдың соңына дейін 1 мыңнан астам жоғары өнімді жұмыс орны құрылатын болады, бұл қызмет көрсету мен өндіріс секторлары арасындағы жұмыс күші ағынының өсуі тұрғысынан ерекше маңызға ие. Қазіргі таңда зауыт толық жүктемемен үш ауысымда жұмыс істейді.

ҚР Премьер-Министрі үшінші елдерден тауарлар мен қызметтердің импортына тәуелділікті төмендету мақсатында Қазақстан мен Өзбекстанның өндірістік процестерін интеграциялаудың өзектілігі артып келе жатқанын атап өтті.

Жаңа өндірістік желіде «Chevrolet» маркалы автомобилінің – Damas, Labo, Tahoe, Traverse, Trailblazer, Equinox, Malibu, Onix, Spark және т. б. бірнеше модельдері құрастырылатын болады. «Chevrolet Damas» автобусы мен «Chevrolet Labo» жүк машинасының қолжетімді түпкілікті құны шамамен 3 млн теңгені құрайды, бұл олардың сауда, логистика, ауыл шаруашылығы және басқа да салалардағы шағын және орта бизнес үшін тартымдылығын арттырады.

inbusiness.kz-ті қараңыз, оқыңыз :

Қостанайдағы автомобиль зауытында 1 мыңнан астам жұмыс орны ашылады

Қазіргі уақытта зауыт толық жүктемемен үш ауысымда жұмыс істейді.  

15 Мамыр 2020 12:15 78

Қостанайдағы автомобиль зауытында 1 мыңнан астам жұмыс орны ашылады

Қостанай автомобиль зауытындағы «Chevrolet» маркасының жаңа үлгілерін құрастыратын Қазақстан-Өзбекстан бірлескен желісінде жыл соңына дейін 1 мыңнан астам жоғары өнімді жұмыс орны ашылады, деп хабарлайды ИИДМ баспасөз қызметі.

Қазіргі уақытта зауыт толық жүктемемен үш ауысымда жұмыс істейді.  

Жаңа өндірістік желіде «Chevrolet» маркалы автомобильдердің Damas, Labo, Trailblazer, Malibu, Spark сияқты бірнеше түрін құрастырады.

«Chevrolet Damas» автобусы мен «Chevrolet Labo» жүк машинасы құнының ақырғы қолжетімді құны шамамен 3 млн теңгені құрап, сауда, логистика, ауыл шаруашылығы және өзге де салалардағы шағын және орта бизнес үшін тартымдылығын арттырады.     

Айта кетсек, Қазақстанда автомобиль жасау – экономиканың серпінді дамып келе жатқан салаларының бірі. Биылғы жылы автомобиль өнеркәсібі өнімдерінің жалпы көлемін жылына 100 мыңға жеткізу жоспарланып отыр. Салада оқшауланудың орта деңгейі 50%, коммерциялық техникалар мен автобустар бойынша 60-65% дейін жетеді.

Қазақ-Өзбек халықаралық сауда-экономикалық орталығы құрылуы мүмкін

Халықаралық электронды сауданың көлемі 1 трлн долларға жетеді.

04 Ақпан 2020 17:10 230

Қазақ-Өзбек халықаралық сауда-экономикалық орталығы құрылуы мүмкін

Фото: primeminister.kz

Сауда және интеграция министрлігінің кеңейтілген алқа мәжілісінде министр Бақыт Сұлтанов 2019 жылы атқарылған шараларды қорытындылап, жаңа жылға  арналған жұмыс жоспарын жариялады. 

«Халықаралық сауда трансформациясы мен әлемдегі ірі экономикалардың 
протекционизмі жағдайында сыртқы сауданы жетілдіруге басымдық беру қажет. Бұл ретте көрші мемлекеттермен алыс-беріс жасауға ұмтылуға тиіспіз. 2020 жылдың соңына қарай B2C форматындағы халықаралық электронды сауданың көлемі 1 трлн долларға жетеді. Сауда және интеграция министрлігі алдағы сын-қатерлерді ескере отырып, сауда саясатын өңірлік интеграцияға басымдық беру, экспортты ілгерілету, ішкі сауда мен электронды сауданы дамыту және техникалық реттеу мен тауар сапасын жақсарту арқылы жүргізеді», – деді Бақыт Сұлтанов.

Министрдің мәлімдеуінше, ЕАЭО-ға мүше мемлекеттердің өңірлік интеграциясының көкжиегін кеңейту үшін Орталық Азия мемлекеттерімен тығыз қарым-қатынас орнату керек. 

«Бұл 70 млн адамдық құрайтын ірі аймақ. Соңғы 3 жылда осы аймақтың экономикасы 4,5%-ға өсті. Негізгі сауда серіктесіміз – Өзбекстан. Қазір тауар айналымы 2,8 млрд долларды құрап отыр. Қазақстан, Өзбекстан, Қырғызстан үкіметтеренің шекарадағы өткізу бекеттерін жаңғырту жөніндегі бастамасы мемлекетаралық саудаға серпін береді. Біз «Қорғас» халықаралық сауда орталығы секілді Өзбекстанмен халықаралық сауда-экономикалық орталығын құруды жеделдетуге күш жұмсаймыз», – деді министр. 

Қанат Махамбет 

Жаңалықтарға жазылу: