Алматы қаласының бас санитар дәрігері, ҚР ДСМ КСК санитарлық-эпидемиологиялық бақылау департаментінің басшысы Жандарбек Бекшин зейнетке шығуына байланысты 2022 жылғы 5 қаңтардан бастап қызметінен кетеді.
27 желтоқсаннан ол еңбек демалысына кетеді. Ал 5 қаңтар күні орнын босатпақ.
"Менің келісімшартым аяқталды. "Мемлекеттік қызмет туралы" заңға сәйкес зейнеткерлерге келісімшартты бір жылға ұзартуға болады. Екінші рет ұзарту мүмкін емес. Сондықтан мен (2022 жылғы – inbusiness.kz) қаңтарда қызметімнен кетемін", – деді Жандарбек Бекшин Orda.kz тілшісіне.
Алматы қаласының бас санитар дәрігері және Санитарлық-эпидемиологиялық бақылау департаментінің басшысы қызметін Қарлығаш Әбдіжаббарова атқарады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
