Өскеменде үй кезегінде тұрған жетім және ата-ана қамқорлығынсыз қалған 20 балаға жаңа пәтерлердің кілті табысталды. Бұл туралы өңір әкімі хабарлады.
Жаңа үй 19-шы шағын ауданда "Нұрлы жер" мемлекеттік бағдарламасы аясында салынған. Құрылысқа жалпы 600 млн теңге жұмсалған.
"Айта кетейін, алдағы таңда 4 үйдің құрылысы аяқталады. Бұл 600 пәтер. Олардың екеуі, яғни, 110 пәтері әлеуметтік аз қамтылған топ өкілдеріне берілмек",– деп жазды Даниал Ахметов facebook-тегі парақшасында.
Жалпы облыс бойынша биыл 443 мың шаршы метр тұрғын үйді пайдалануға беру жоспарланған. Әзірге 19 үй қолданысқа беріліпті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
