/img/tv1.svg
RU KZ
«Жолаушылар тасымалының» бас директоры ауысты

«Жолаушылар тасымалының» бас директоры ауысты

Ал бұған дейін басшы болған Кортюм мырза денсаулығы мен жеке жағдайына байланысты қызметінен кетуге шешім қабылдады.

13 Тамыз 2020 10:59 107

 «Жолаушылар тасымалының» бас директоры ауысты

«Қазақстан темір жолы» ҰК» АҚ Директорлар кеңесінің шешімі және «Самұрық-Қазына» ұлттық әл-ауқат қоры басқармасының келісімі бойынша «Жолаушылар тасымалы» АҚ жаңа Бас директоры болып DB Engineering&Consulting Азия-Тынық мұхиты аймағының дирекциясын басқарған неміс маманы Питер Штурм (Peter Sturm) тағайындалды, деп хабарлайды компанияның баспасөз қызметі.

Темір жол көлігі және халықаралық тасымалдау саласында еңбек өтілі бар П. Штурм, 25 жыл бойы халықаралық компанияларда түрлі басқару қызметтерін атқарған. Бұған дейін ол инновациялар мен өзгерістерді енгізудегі жауапты бөлімшелерді басқарды, жылжымалы құрамды сатып алу және қызмет көрсету, ақпараттық технологияларды енгізу, темір жолдарды пайдалану және т. б. салаларда қызмет атқарды.

Штурм мырза бәсекеге қабілеттілікті және клиенттердің назарын жақсарту бағытында жүргізіліп жатқан барлық өзгерістер жалғасын табатындығына сендірді.

Онлайн режиміндегі өзінің алғашқы аппараттық кеңесінде жаңа басшы «Жолаушылар тасымалы» АҚ құрылымдық бөлімшелері мен ведомствоға қарасты ұйым басшыларының жолаушыларға сервистік қызмет көрсету сапасына, яғни жолаушылар вагондарын жуу мен жинау және төсек-орынның сапасына баса назар аударды. Сапа менеджментінің жаңа жүйесін енгізу есебінен клиенттерге қызмет көрсету деңгейін арттыру қажет, яғни компанияның бизнес-процестерін жақсарту мақсатында жүйелі қателіктерді үнемі анықтап, жұмыс істеу керек. Жолаушылар пойыздарындағы төсек-орын жабдықтарымен және жұмсақ алмалы-салмалы мүкәммалмен жабдықтау сапасы, сондай-ақ клининг және санитарлық-гигиеналық құралдармен жарақтандыру бойынша енгізілетін жаңа стандарт мәселелері Компания басшылығының тұрақты бақылауында болады.

Бас директор «Солтүстік» өңірлік филиалында стандартты жолаушылар вагондарына арналған алғашқы екі дәретхана модулінің демонстрациялық жинағымен танысты. Пойыздардағы санитарлық тораптарды жаңарту, олардың эстетикасын, қолайлылығын және жолаушылар үшін жайлылық деңгейін түбегейлі арттыруға мүмкіндік береді. Дәретханалық модульдерді орнату жұмыстары ағымдағы жылдың қыркүйек айында басталады деп жоспарлануда.

Юлия Якупбаева «Атамекен» ҚР ҰКП басқарма төрағасының орынбасары болып тағайындалды

Осыған дейін аталған қызметті атқарып отырған Алена Романова «Атамекен» ҚР Ұлттық кәсіпкерлер палатасының атқарушы хатшысы болып тағайындалды.

08 Қазан 2019 14:51 611

«Атамекен» ҚР ҰКП төралқасының шешімімен Юлия Якупбаева басқарма төрағасының орынбасары болып тағайындалды, деп хабарлайды «Атамекен» ҰКП баспасөз қызметі.

Юлия Константиновна Якупбаева 1977 жылы Алматы қаласында туған. Қазақ мемлекеттік басқару академиясын «Қаржы және кредит» мамандығы бойынша аяқтады. 20-жылдық еңбек өтілі ішінде қатардағы маманнан бастап жоғары буын жетекшісіне дейін өскен.

Әр жылдары ҚР Ұлттық банкі, Қазақстан қаржыгерлері қауымдастығы, «Атамекен» Одағы» Қазақстанның ұлттық экономикалық палатасында қызмет еткен. «Атамекен» ҚР ҰКП басқарма төрағасының орынбасары қызметін атқарған (2014 жыл қазан – 2019 жыл сәуір).

 Юлия Якупбаева Қазақстан қаржыгерлері қауымдастығын басқарды (2017 жыл ақпан – 2018 жыл тамыз). Бірқатар компаниялардың тәуелсіз директоры- Директорлар кеңесінің мүшесі болған  («Қазақстанның депозиттерге кепілдік беру қоры» АҚ, «Технологиялық даму жөніндегі ұлттық агенттігі» АҚ, «Kazakh Tourism» ҰК» АҚ). ҚР Ұлттық экономика министрлігінің табиғи монополияларды реттеу комитеті басқармасының мүшесі.

2017 жылдан бастап ҚР Денсаулық сақтау министрлігі Қоғамдық кеңесінің мүшесі. 2019 жылдың сәуір айынан қыркүйек айына дейін «Атамекен» ҚР Ұлттық кәсіпкерлер палатасы Төралқа Төрағасының кеңесшісі болды.

Мемлекеттік және қоғамдық наградалардың иегері. ҚР Тұңғыш Президенті Н.Назарбаевтың Құрмет грамотасы, «ҚР Тәуелсіздігіне 20 жыл», «ҚР Тәуелсіздігіне 25 жыл» мерейтойлық медальдарымен, «Қазақстан Қаржыгерлері қауымдастығының «Мерей» қоғамдық орденімен, «Атамекен» ҚР ҰКП «Ісіне адалдығы үшін» ІІ дәрежелі медалімен марапатталған.

ҚР премьер-министрінің кеңсесі басшысының орынбасары тағайындалды

2013 жылғы тамыздан бастап қазіргі уақытқа дейін премьер-министр кеңсесінің бақылау және құжаттамалық қамтамасыз ету бөлімінің меңгерушісі қызметін атқарған.

07 Қазан 2019 12:34 770

ҚР премьер-министрінің өкімімен Асқар Серікжанұлы Жәкенов ҚР премьер-министрінің кеңсесі басшысының орынбасары қызметіне тағайындалды, деп хабарлайды primeminister.kz. 

Асқар Жәкенов 1975 жылы 13 қыркүйекте Қарағанды қаласында туған. Қарағанды мемлекеттік техникалық университетін және «Қайнар» университетін тәмамдаған.

Еңбек жолын 1998 жылы Қарағанды қаласындағы «Каргормаш-ИТЭКС» ЖТАҚ-ында бастады. 1999 жылы ҚР әділет министрлігіне жұмысқа қабылданды, онда жетекші маманнан бастап басқарма басшысына дейін қызмет етті. 

2004 жылғы наурыздан бастап 2012 жылғы ақпанған дейін Қазақстан Республикасының премьер-министрі Кеңсесінің Заң бөлімі меңгерушісінің орынбасары болып еңбек етті. 

2012 жылдың ақпан айынан 2013 жылдың шілдесіне дейін Қазақстан Республикасы премьер-министрі кеңсесінің заңнама, қорғаныс және құқықтық тәртіп бөлімі меңгерушісінің орынбасары.

2013 жылғы тамыздан бастап қазіргі уақытқа дейін Қазақстан Республикасының премьер-министрі кеңсесінің бақылау және құжаттамалық қамтамасыз ету бөлімінің меңгерушісі қызметін атқарған.