Есеп – 83-66. Әрине "Химки" осал команда емес екені түсінікті, олар турнир кестесінде 12 ойыннан кейін 21 ұпаймен 4-орында келеді. 9 рет жеңіске жетіп, тек үшеуінде ғана ұтылды. Ал біздің жігіттер бұл жағынан келгенде әлдеқайда төмен тұр.
12 ойыннан соң 18 ұпаймен 7-орынға сырғыған жайымыз бар. Екі команданың пайыздық мүмкіндігінен-ақ қай команда мықты екенін білуге болады. "Химкидің" пайыздық көрсеткіші – 0,750 болса, "Астана" – 0,500% ғана мүмкіндігін оң пайдаланған.
Екі команданың себетке доп тастау айырмасын есептейтін болсақ, бұл көрсеткіш те "Астананың" пайдасына емес екенін аңғаруға болады. Астаналықтардың қарсыластар себетіне салған ұпай санынан гөрі, өз себетімізге кіргізіп алған ұпай саны жоғарырақ болып тұр (906-968).
Қос команданың ойынын алсақ, себетке салынған доптардың ұпай саны бойынша айырмашылығы "Химкидің" пайдасына +17. "Химки" командасының үздік қорғаушысы Алексей Шведтің бір өзі командасына 23 ұпай алып берген және 11 рет нәтижелі паспен көзге түскен. Осы командадағы черногориялық легионер Марко Тодорович 15 ұпай алған және 18 рет қарсыластан бұрын допқа иелік еткен. Көп ұпай алған ойыншылар: Вячеслав Зайцев (10), Робби Хаммел (10).
Ал "Астана" клубынан: америкалық легионер Роберт Лоури (18 ұпай + 5 нәтижелі пас), тағы бір америкалық Усман Крубалли (10 ұпай қосқан + 5 доп иеленген), грекиялық легионер Димитриос Катсивелис (10 ұпай + 6 нәтижелі пас).
Қазақстан клубы тек екінші 10 минуттық кезеңде ғана бір ұпайға алда тұрды, ал қалған үш кезеңде "Химки" командасы басым болды. Бірақ үшінші кезеңнің басында "Астана" тіпті есепті теңестірген болатын (44-44). Алайда химиктер қатарынан үш рет үш ұпайлық доп салып, жалпы матчтың тағдырын шешіп тастады десе болады. Өйткені осыдан кейін астаналықтар сылбыр қимылдап, жеңілгенін мойындағандай болды. Нәтижесінде матч 83:66 (23:17, 16:17, 21:18, 23:14) есебімен "Химкидің" пайдасына шешілді.
Енді "Астана" клубы келесі ойынын өз алаңында 21 қаңтар күні өткізеді. Бұл жолғы қарсыласымыз да "Химки" командасымен бірдей келе жатқан мықты клуб – Сан-Петербордың "Зениті". Естеріңізге саламыз, плей-оффқа тек 8 команда ғана жолдама алады.
|
№ |
команда |
ойын |
пайыз |
ұпай |
|
1 |
ЦСКА |
12 |
0.917 |
23 |
|
2 |
Локомотив-Кубань |
12 |
0.833 |
22 |
|
3 |
УНИКС |
12 |
0.833 |
22 |
|
4 |
Химки |
12 |
0.750 |
21 |
|
5 |
Зенит |
12 |
0.750 |
21 |
|
6 |
ВЭФ |
11 |
0.545 |
17 |
|
7 |
Астана |
12 |
0.500 |
18 |
|
8 |
Енисей |
13 |
0.385 |
18 |
|
9 |
Автодор |
12 |
0.333 |
16 |
|
10 |
Нижний Новгород |
11 |
0.273 |
14 |
|
11 |
Цмоки-Минск |
12 |
0.250 |
15 |
|
12 |
Калев |
12 |
0.167 |
14 |
|
13 |
Парма |
13 |
0.000 |
13 |
