ПРЕЗИДЕНТ ДӘРІ-ДӘРМЕК МӘСЕЛЕСІН РЕТТЕУДІ ТАПСЫРДЫ
Бірер күн бұрын мемлекет басшысы Қасым-Жомарт Тоқаев халыққа үндеу жасап, еліміздегі негізгі түйткілдерді атап өтті. Оның ішінде маңызды әрі халықтың ашу-ызасын тудырған – дәрі-дәрмек мәселесі. Пандемия өршігелі елімізде медициналық препараттар тапшылығы туындап, бағасы бірнеше есеге бірақ шарықтады. Науқастардың туыстары өз қалаларынан таба алмаған дәрілерді өзге өңірлерден де іздеп жатыр. Оны көзіміз көріп, құлағымыз естіп жүр. Неге мұндай жағдай қалыптасты? Халықтың қамын ойлаудың орнына, тапшылық тудыру кімге керек болды? Бүгінгі бағдарламада осы сұрақтарға жауап іздейміз. Спикерлермен таныс болыңыздар:
Дидар Байдуллаева - Қазақстандық ұлттық дәрілік формулярының бас редакторы,
Бақыт Түменова - «Аман-Саулық» Қоғамдық қорының президенті,
Миргүл Құниярова - Дәріханалар желісінің директоры.
