Ақмола облысының полиция қызметкерлеріне қызметтік көлік берілді

1069

20 "УАЗ" бен 18 "Нива" үлестірілді.

Ақмола облысының полиция қызметкерлеріне қызметтік көлік берілді

Ақмола облысының әкімі Ермек Маржықпаев Астана күніне орай қалалық полиция басқармалары мен аудандық бөлімдерге су жаңа 20 қызметтік "УАЗ" көлігінің, учаскелік полиция қызметкерлеріне 18 "Нива" көлігінің кілтін табыс етті, деп хабарлайды ҚазАқпарат.

"Осындай мереке қарсаңында Сіздердің мінсіз қызметтеріңіз, Отанымыздың мүддесіне деген адалдықтарыңыз үшін тағы да шынайы ризашылығымды білдіремін. Коронавирус пандемиясы кезеңінде азаматтардың денсаулығын, қауіпсіздігі мен əлеуметтік жағдайын қорғауда дәрігерлер сияқты Сіздер де өз денсаулықтарыңызды тəуекелге тігіп, өңірде қауіпті індеттің жайылуын тежеуге елеулі үлестеріңізді қосып келе жатырсыздар. Облысымыздың елдімекендерінің көшелеріндегі тəртіп пен ақмолалықтардың тыныштығы, өз қауіпсіздігіне деген сенімдері тікелей сіздерге байланысты", – деді құттықтау сөзінде Ермек Маржықпаев.

Сонымен қатар аймақ басшысы облыс әкімдігі тарапынан полиция қызметіне жасалып отырған қолдауы олардың жұмыс тиімділігі мен сапасына оң ықпал ететінін атап өтті.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу