"Jetysý Hub" технопаркінде робототехника, бағдарламалау сыныптары, балалар орталығы, электронды кітапхана, бизнес акселератор, лекция бөлмесі, түрлі компаниялар мен резиденттердің ІТ кеңселері орналасқан. Алдағы уақытта мұнда кез келген жастағы азамат ІТ саласындағы жаңа технологияларды меңгере алады. Сонымен қатар, ІТ-инкубаторда түрлі шеберлік сағаттары, бизнес тренингтер, хакатондар өткізу жоспарлануда. Бұл ретте Алматы облысының әкімі Амандық Батталов, орталық ІТ мамандарының жаңа толқынын дайындау үшін маңызды екенін айтты.
"Осындай технопарк ашу ақпараттық технологиялар саласын дамытуға мүмкіндік береді. Орталық мамандары Жетісу өңірінің жастарына кәсіби тұрғыда қолдау білдіреді деп сенемін. Жастар, ІТ-парктің барлық мүмкіндіктерін пайдаланыңыздар, үйреніңіздер, тәжірибе жинақтаңыздар, қорықпай армандарыңызға қарай қадам басыңыздар", – деді Алматы облысы әкімі Амандық Баталов.
Сонымен қатар облыс әкімі алдағы уақытта Интернет колледж салынатынын атап өтті.
