Жаңа несиелік өнім "Алматы қаласын 2025 жылға дейін дамыту бағдарламасын және 2030 жылға дейінгі орта мерзімді перспективаларды" бағдарламасын жүзеге асыру аясында іске қосылады, деп хабарлайды inbusiness.kz.
Жеңілдетілген ипотеканы шағын индустриялық парк салуға ниет білдірген компаниялар да, өндіріс алаңдарын сатып алғысы келетін кәсіпкерлер пайдалана алады.
Жылжымайтын мүлікті индустриалды парктерді сатып алу кезінде кепілдік ретінде пайдалануға болады. Бұл кәсіпкерлердің жүктемесін айтарлықтай азайтады.
Қазіргі уақытта Алматы қаласының индустриалды аймағында және тоқтап тұрған, тиімсіз өндірістік базалар аумағында шағын индустриялық парктерді дамыту белсенді түрде жүзеге асырылуда. Мұндай учаскелер барлық қажетті техникалық шарттармен және коммуникациялармен қамтамасыз етілген. Шағын индустриалды парктердің артықшылықтарының қатарында үй-жайларды кейіннен сатып алумен төмендетілген мөлшерлеме бойынша ұзақ мерзімді жалға алу мүмкіндігі бар.
Бүгінгі таңда Алматыда жалпы ауданы 26,5 мың шаршы метрді құрайтын 8 шағын индустриялық парк бар.
Тартылған жеке инвестиция көлемі 2,2 млрд теңге, 669 жаңа жұмыс орны ашылды. Қазіргі уақытта жалпы ауданы 66,3 мың шаршы метрді құрайтын 11 жаңа индустриалды парктің құрылысы жүргізілуде. 1700-ден астам жұмыс орнын құрумен инвестиция көлемі 8,85 млрд теңгені құрады. Қазірдің өзінде индустриалды парктерге орналастыру кезегінде 180 кәсіпорын тұр.
2030 жылға қарай Алматыда 100-ден астам жаңа шағын индустриялық парк салу жоспарлануда. Сонымен қатар мұнда 1000-ға дейін түрлі өндірістік салаларды орналастыру көзделген. Жеке инвестиция көлемі 300 млрд теңгеден асады, бұл 20 мыңнан астам тұрақты жұмыс орнын құруға мүмкіндік береді.
Құралай Құдайберген
