21 сәуір күні сағат 14.00-де "Казмедиа орталығының" киноконцерт залында жас ақындар айтысы өтеді, деп хабарлайды қала әкімінің баспасөз қызметі.
Сайысқа еліміздің барлық облысынан 30 ақын қатысуға өтініш білдірген. Арнайы комиссияның шешімімен таңдаулы 16 ақын сахнада сөз сайыстырып, бақ сынайды. Айтыстың жүргізушісі – ақын, "Дарын" мемлекеттік жастар сыйлығының иегері Қалқаман Сарин.
Қазылар алқасының құрамына Қайрат Сақ, Серікзат Дүйсенғазы, Сара Тоқтамысова кірді.
Шараны Астана қаласының Жастар саясаты мәселелері басқармасының бастамасымен "Болашақ" халықаралық стипендиясы стипендиаттары қауымдастығы ұйымдастырып отыр.
Айтыстың жүлде қоры: І орын (бас жүлде) – 300 000 теңге, ІІ орын – 200 000 теңге, ІІІ орын – 150 000 теңге, IV орын – 50 000 теңге және барлық қатысушыға дипломмен қатар ынталандыру сыйлығы табыс етіледі. Кіру тегін.
