/img/tv1.svg
RU KZ
Hang Seng 27 316,53 DOW J 28 998,32
FTSE 100 7 403,92 РТС 1 524,71
KASE 2 373,34 Алтын 1 645,90
Smart Aqkol & Smart Arys

Smart Aqkol & Smart Arys

«Қазақтелеком» цифрлық трансформацияны жүзеге асырып жатыр.

25 Тамыз 2019 09:06 660

Smart Aqkol & Smart Arys

Ұлттық байланыс операторы «Цифрлы Қазақстан» мемлекеттік бағдарламасының «ақылды қала» тұжырымдамасы аясында Smart Aqkol атты заманауи жобаны қолданысқа енгізді. Бастаманың баянды болғанының жарқын көрінісі деп білерсіз, Елбасы Нұрсұлтан Назарбаев жобаны Қазақстанның өзге қалаларына таратуды тапсырды.

Айта кетейік, Ақкөлді «ақылды қала» атандырып, басқа шаһарларға үлгі етіп көрсетуге 2,5 млрд теңге жұмсалды. Жобаның жүзеге асуына «Қазақтелеком» АҚ өлшеусіз үлес қосты.

Smart Aqkol – Қазақстанда бұрын-соңды болмаған жаңа жоба. Ол адамдардың өмір сүру сапасын арттыруды көздейді.

«Қазақтелеком» Smart Aqkol  жобасы арқылы «ақылды қалаларды» дамытудың бірыңғай стандартын қалыптастырды. Бұл үшін ұлттық оператор жоғары деңгейлі қауіпсіздікті қамтамасыз ететін және түрлі техникалық ақауға төтеп беретін деректерді өңдеу орталығы негізінде оптикалық және есептеуіш инфрақұрылымды іске қосты. Сонымен қатар «Бұлтты бейнебақылау» мен 5G технологиясын қолданысқа енгізді.

«Қазақтелеком» АҚ Басқарма төрағасы Қуанышбек Есекеевтің айтуынша, Smart Aqkol жобасы негізінде бұрын мемлекеттік органдардың қолы жетпеген әртүрлі деректердің өзара байланысын анықтайтын цифрлы экожүйе құрылған. Нәтижесінде қаланы басқару жеңілдеген. Smart Aqkol Smart Home және Smart City жобаларын мегаполистерге енгізудің тиімді тетігін анықтап берген. 

«Қазақтелеком» Ақкөл қаласында Smart Aqkol ахуалдық орталығы негізінде цифрлы және зияткерлік инфра­құ­рылым құрған. Бұл туралы Қазақтелеком АҚ-ның инновациялар жөніндегі бас директоры Нұрлан Мейірманов: «Талшықты-оптикалық байланыс пен  LoRaWAN энергиялық тиімділік желілері мен қо­ғамдық Wi-Fi орнатып, LTE желісін  жаң­ғыртты. Осылайша қалаға түрлі моди­фикациядағы 100-ге жуық камера, суды есепке алудың 4500, электр энергиясын есепке алудың 6 мың құрылғысын қосып, IoT датчиктер орнатты. Қазір «Қазақтелеком» АҚ желілік және ИКТ инфрақұрылымына инвестиция салып жатыр. Жал­пы алғанда, біз Қазақстан бойынша 5,5 млн тұрғыны бар 1,5 млн пәтерді, 100 мыңға жуық кіреберісті қамтитын 30 мың­нан аса көппәтерлі үйді GPON опти­калық желісімен қамтамасыз еттік, – деді.

Естеріңізге салайық, Ақкөл коммуналдық қызмет көрсетудің барлығы цифрландырылған Қазақстандағы алғашқы қала. Жобаның тұжырымдамасы  қауіпсіздіктен экологияға дейін 11 бағыттан тұратын «ақылды» қалаларды дамытудың бірыңғай стандарты болып бекітілген. 

Үкімет басшысына таныстырды
Осыдан біраз бұрын «Қазақтелеком» АҚ Smart Aqkol негізінде жасалған Smart Arys жобасын Үкімет басшысы Асқар Маминнің назарына ұсынды.

Таныстырылым барысында «Қазақтелеком» АҚ инновациялар жөніндегі бас директоры Нұрлан Мейірманов Арыстағы апат орнында ауаның жай-күйін бақылайтын 2 экологиялық станция орнатылғанын және 40 метр биіктікке қаланы қалпына келтіру жұмысын бақылайтын тұнықтығы жоғары камера қойылғанын мәлімдеді.

«Ақкөл қаласында «Ақылды қала» бойынша жинақтаған тәжірибемізді қолдана отырып, Арыс тұрғындарының жайлы әрі қауіпсіз өмір сүруі үшін қолдан келгеннің барлығын жасаймыз. Smart Arys жобасы муниципалдық ұйымдардың міндеттерін автоматтандыруға серпін береді және өмір сүру сапасын арттырады», – деді Нұрлан Мейірманов.

Түркістан мен Ақтау да «ақылды қалаға» айналады
«CIO and Digital Professionals Workplace 2019» конференциясында «Қазақтелеком» Түркістан мен Ақтау қалаларын «ақылды қалаға» айналдыруға қадам жасады.

Мақсатқа жету үшін Маңғыстау, Түркістан облыстарының әкімдіктерімен, UBIC Technologies компаниясымен және «ҚАЗСУШАР» мемлекеттік кәсіпорнымен ынтымақтастық туралы меморандумға қол қойылды.

Келісім аясында жоғарыда көрсетілген қалаларға қоғамдық бейнебақылау мен wi-fi орнатылатын болды. Тараптар оптикалық талшықты байланыс пен LPWAN желісін тартып, ахуал орталығын құруға уағдаласты. Сонымен қатар жедел жәрдемнің диспетчер қызметін автоматтандырып, Big Data енгізу мәселесі шешілді.

«Уақыт өте келе «Ақылды қала» жобасы жаппай қолданысқа енеді. Нәтижесінде өмір сүру сапасы артып, қоғамдық тәртіпсіздік пен қылмыс азаяды. Адамдардың уақыты үнемделіп, шығындары қысқарады», – деді «Қазақтелеком» АҚ Корпоративтік бизнес дивизионының департамент директоры Самат Имбаев.

Қанат Махамбет

inbusiness.kz-ті қараңыз, оқыңыз :

Қазақстанда 5G технологиясы сынақтан өтуде

Ауылдар интернетпен қамтылып, қалаларда 5G  технологиясы орнатылады.

28 Қазан 2019 14:33 418

Қазақстанда 5G технологиясы сынақтан өтуде

Цифрлық даму, инновациялар және аэроғарыш өнеркәсібі министрі Асқар  Жұмағалиев үкімет отырысында «Цифрлық Қазақстан» мемлекеттік бағдарламасын Қазақстан Республикасының халық саны 250 адамнан асатын елдімекендердің Интернетке қол жеткізуін қамтамасыз ету бөлігінде іске асыру туралы» баяндамасында Қазақстанда 5G жаңа технологиясының енгізілуі мен ауылдағы ғаламтор желісінің енгізілуі жайлы айтты.

«Президенттің тапсырмасына сәйкес министрлік Қазақстанда 5G желісін енгізу бойынша жұмыстар атқаруда. Осы орайда, Жол картасы бекітілді. Қазіргі кезде 5G  жаңа мобильді байланыс технологиясын анықтау бойынша жұмыстар жүргізілуде. 5G мобильді байланысының тесттік сынағы Нұр-Сұлтан, Алматы және Шымкент қалаларында өткізілді. Сынақ нәтижесінде технологияның Интернет заттарын, телемедицина, өнеркәсіпті, тау-кен өндірісін цифрландыру және «ақылды» қалаларды дамытуға мүмкіндіктер беретіні анықталды. 5G технологиясын енгізу үшін тартылатын инвестициялар  көлемі үлкен болғандықтан, 1-кезеңде бұл технологияны енгізу республикалық маңызы бар Нұр-Сұлтан, Алматы және Шымкент қаласыда ұйымдастыру жоспарлануда. Осылай 2021 жылдың аяғына дейін Нұр-Сұлтан қаласында Назарбаев университеті мен ЭКСПО-да, ал 2022 жылы аэропорт пен вокзалда, сауда орындары мен алаңдарда 5G технологиясын енгізу жоспарлануда. Одан әрі 2023 жылдан бастап барлық облыс орталықтарында енгізу жұмыстары жүргізіледі»,– деді Асқар  Жұмағалиев.

Цифрлық даму, инновациялар және аэроғарыш өнеркәсібі министрі Асқар  Жұмағалиев сондай-ақ, ауылдық жерлер толықтай интернет желісімен қамтылатындығын да мәлімдеді.

«Жобаларды орындау жұмыстарының нәтижесі бойынша 2022 жылдың соңына дейін Қазақстан Республикасы халқының 97%-ы кең жолақты Интернет желісімен қамтылатын болады. Қалған 3%-тіне спутниктік технологияны қолдану мүмкіндігі қамтамасыз етіледі. Интернет желісіне қолжетімділікті ауылдық жерлерде арттыру, «Цифрлық Қазақстан» мемлекеттік бағдарламасы бойынша электрондық денсаулық сақтау, электрондық қызмет көрсету, және басқа жобаларды іске асыру үшін негіз болады. Бұл қала мен ауыл арасындағы цифрлық алшақтықты қасқартуға ықпал етеді. Халқымызға цифрлық технологияларды қолдануға толықтай мүмкіндік беріп, Қазақстан Республикасы экономикасын дамытуға өз ықпалын тигізетінін болады»,– деді министр.

Нұржан Көшкін

Нұр-Сұлтанда 5G коммерциялық желісі іске қосылды

Қазіргі уақытта Алматы мен Шымкент қалаларына 5G желісін енгізу бойынша жұмыстар жүргізіліп жатыр.

24 Қазан 2019 12:37 284

Нұр-Сұлтанда 5G коммерциялық желісі  іске қосылды

Қазақстанда бірінші болып 5G коммерциялық желісі Нұр-Сұлтанда іске қосылды, деп хабарлайды ҚазАқпарат.

«Бүгін Astana Hub аумағында біз жаңа буындағы 5G желісін іске қосамыз. Ұялы байланыс желісіне жаңа стандартқа сәйкес жаңа жиілік диапазонында арнайы радио модульдермен қол жеткізуге болады», – деді елордада өтіп жатқан халықаралық технологиялық форумда «Қазақтелеком» АҚ инновациялар жөніндегі бас директоры Нұрлан Мейірманов.

Ол бұл үшін Astana Hub аумағы не үшін таңдалғанын түсіндірді.

«5G технологиясының болашақ цифрлық экономикаға бейімделуге тиіс бірегей мүмкіндіктері бар. Мұндай дағдысы бар жігіттер IT саласы мен электронды коммерция, қаржылық қызмет көрсету сияқты экономиканың жаңа салаларын еңсере алар деген сенімдеміз. Егер сіздің телефоныңыз 5G-ді ұстайтын болса, оны Astana Hub аумағында пайдалануға болады», – деді спикер.

Өз кезегінде «Мобайл Телеком-Сервис» ЖШС бас директоры Роман Володин 5G коммерциялық желісі Altel және Қазақтелеком инфрақұрылымының негізінде іске қосылғанын айтып өтті.

«Технологияның өзі 5G желісі 4G желісімен біріктірілген түрде жұмыс істейді. Ал іс жүзінде пайдаланушылар оларға тиісті қызмет көрсету деңгейін қамтамасыз ететін технологиялар арасында ауыса алады. Дәл осы интеграция секундына 1,5 Гб жылдамдыққа қол жеткізуге мүмкіндік береді. Бұл – шын мәнінде өте жоғары жылдамдық», – деді Роман Володин.

Ол сонымен қатар қазіргі уақытта Алматы мен Шымкент қалаларына 5G желісін енгізу бойынша жұмыстар жүргізіліп жатқанын жеткізді.

Жаңалықтарға жазылу: