Тапсырыс көбіне жарнама бойынша түскен – 30,4 млрд теңге. Бұл сома 2020 жылға қарағанда 6,2 есе жоғары болып тұр.
Одан кейін демалыс, ойын-сауық, мәдениет және спорт саласындағы билеттерді сату – 28,5 млрд теңге. Бір жыл бұрынғысынан өсім – 8,1 есе.
Қызметтердің едәуір көлемі көлік билеттерін сату саласына да (20,1 млрд тг, 2020 жылға қарағанда екі есе аз) және брондау мен орналастыру орындарының қызметтерін төлеуге (15,6 млрд тг, өсім – жылына 46,4%) тиесілі болды.
Тамақ жеткізу бойынша қызметке 3,1 млрд теңге тура келді, бұл 2020 жылға қарағанда 28,5%-ға артық.
Өңірлер арасында интернет арқылы көрсетілетін қызметтерді сатудың елеулі көлемі Алматыда ғана байқалды (277,1 млрд теңге), оның ішінде электрондық төлем жүйелері арқылы төленген қызметтердің үлесіне 68,6%-ы тиесілі болды.
Нұр-Сұлтанда интернет қызметтер көлемі 50,9 млрд теңгені құрады.
Интернет арқылы көрсетілетін қызметтердің аз көлемі – Қызылорда облысында (4,7 млн теңге), көп көлемі Шымкентте 5,4 млрд теңге. Басқа өңірлердегі көрсеткіш осы екі аралықта екені айтпаса да түсінікті болар.
