2023 жылдың шілде айында фармацевтикалық өнімдер айына 0,2%-ға, жылына 10,8%-ға қымбаттады, деп жазады inbusiness.kz тілшісі energyprom.kz-ке сілтеме жасап.
Ай сайынғы динамика бойынша бағаның ең көп өсуі Павлодар облысында байқалды: 1,2%-ға. Одан кейін Ұлытау (айына + 0,7%), Шығыс Қазақстан, Жамбыл, Жетісу және Қостанай (өңірлердің әрқайсысында + 0,6%) облыстары тұр. Атырау және Ақмола облыстарында баға бұрынғы деңгейде қалды. Түркістан, Қарағанды және Алматы облыстарында баға, керісінше, сәл төмендеді: тиісінше 0,4%-ға, 0,3%-ға және 0,1%-ға.
Жылдық динамика бойынша ең көп жылдық баға өсімі Алматыда тіркелді: бірден жылына + 18%. Одан кейін (+ 15,4%) және Қызылорда (+ 14,9%) облыстары тұр. Бағаның ең аз жылдық өсімі Жетісу облысында байқалды: 5,9%-ға.
Жалпы, Қазақстан өзін фармацевтикалық өнімдермен айтарлықтай төмен деңгейде қамтамасыз етеді. Мысалы, 2023 жылдың қаңтар-маусым айларының қорытындылары бойынша провитаминдерге, витаминдерге сұраныс 0,02% ғана жергілікті өндіріс есебінен қамтамасыз етілді. Осы кезеңде елімізде 43 келі ғана дәрумен өндірілді, дегенмен бұл бір жыл бұрынғыдан 48,3% артық. Салыстыру үшін: импорт 173,2 тоннаны құрады (жылына + 10,4%).
Антибиотиктерге деген сұраныс жақсы қамтамасыз етілген, бірақ бәрібір 38,2%-ға ғана. Антибиотиктерді өндіру 7,8 тоннаға жетіп, бір жыл бұрынғыдан 11,2%-ға артты. Бұл ретте импорт 12,7 тоннаны құрады, - 50,7%. Тиісінше, импорттың үлесі ресурстардың 61,8%-ын құрады. Ішкі нарықта 20,4 тонна антибиотик сатылды, бұл бір жыл бұрынғыдан 38%-ға аз (коронавирустық пандемия деңгейінің төмендеуіне байланысты).
