2021 жылға арналған республикалық бюджетті нақтылау шеңберінде бұл қаражат COVID-19 инфекциясына қарсы күрес бойынша іс-шараларға бөлінбек, деп хабарлайды inbusiness.kz.
Алдағы төрт жылда қосымша сұраныс 203,0 млрд теңгені құрайды, оның ішінде: 2021 жылға – 15,5 млрд теңге, 2022 жылға – 62,5 млрд теңге, 2023 жылға – 62,5 млрд теңге, 2024 жылға – 62,5 млрд теңге.
Атап айтқанда, қаулы жобасына сәйкес, COVID-19 инфекциясына және жұқтыру қаупіне қарсы күрес саласындағы эпидемияға қарсы іс-шаралардағы жұмысы үшін қосымша ақы жоғары тәуекел санатындағы дәрігерлер мен медбикелерге тағайындалады.
Оған жұқпалы аурулар ауруханалары, оның ішінде реанимация бөлімшелері және COVID-19 инфекциясы бар науқастарға медициналық көмек көрсету үшін тағайындалған басқа да стационарлар, індет жұқтырған науқастармен тікелей байланыста болатын клиникалық бөлімше мамандарына нақты жұмыс істеген сағаты үшін 7 еселенген базалық жалақы тағайындалады.
Орташа тәуекел тобына: зертхана қызметкерлері (сынамаларды іріктеу бөлімшелері), дәрігер, санитарлық-эпидемиологиялық қызмет маманы, зертханашы, сынама алу маманы, лаборант – COVID-19 инфекциясымен ықтимал ластанған биологиялық материалмен тікелей жұмыс істеген адамдар нақты жұмыс істеген сағатына 5 есе базалық жалақы тағайындалады.
Төмен тәуекел тобына: фармакологиялық стационарлардың, фармакологиялық бөлімшелердің, оның ішінде реанимация бөлімшелерінің және COVID-19 инфекциясы бар науқастарға медициналық көмек көрсетуге арналған басқа да стационарлардың дәрігерлері, медбикелері, соның ішінде тікелей байланыстағы клиникалық бөлімшелер мен параклиникалық бөлімшелердің қызметкерлері, жұқтырған науқастармен және (немесе) биологиялық материалмен және басқалармен – нақты жұмыс істеген сағаттары үшін 3 еселенген базалық жалақы төленеді.
Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі және 2021 жылғы 1 қазаннан бастап туындаған құқықтық қатынастарға қолданылады.
