Елімізде көмір қымбаттап жатыр

Елімізде көмір қымбаттап жатыр

27 Шілде 2021 12:21 565

Елімізде көмір қымбаттап жатыр
2021 жылғы маусымда көмір 0,1%-ға, ал бір жылда шамамен 4%-ға қымбаттаған, деп хабарлайды inbusiness.kz порталы energyprom.kz-ке сілтеме жасап.

Биыл қаңтар-маусымда көмір өндіру құндық мәнде 162,3 млрд теңгеден 171,6 млрд теңгеге өскен. Алайда саладағы өндіріс нақты мәнде 3,9%-ға төмендеген.

2020 жылы көмір өндіру көлемі құндық мәнде 336 млрд теңге болса, нақты мәнде өндіріс 3,3%-ға төмендеген. Алайда көмір өндіру көптеген позиция бойынша қысқарған. Мысалы, өсім тек тас көмір сегментінде байқалған: 21,9%, 6,8 млн тонна. Кокстелетін тас көмірді өндіру 17,9%-ға немесе 4,4 млн тоннаға дейін азайған. Жалпы тас көмірді өндіру бір жылда 0,7%-ға немесе 50,1 млн тоннаға дейін азайған. 

Сонымен қатар лигнитті (сапасы төмен қоңыр тас көмір) өндіру 7,5%-ға немесе 2 млн тоннаға дейін азайған.

Көмір өндіру қысқарып жатқанына қарамастан оның бағасы өсіп жатыр.
2021 жылғы маусымның қорытындысы бойынша тұтынушылар үшін тас көмір бір айда 0,1%-ға, ал бір жылда 3,8%-ға қымбаттаған (өткен жылы өсім – 
3,2%).

Хабар24 мәліметінше, премьер-министр Асқар Мамин Бәсекелестікті қорғау және дамыту агенттігіне әкімдіктермен бірлесіп, көмір бағасын ерекше бақылауға алуды және оның негізсіз өсуіне жол бермеу үшін шаралар қабылдауды тапсырған.

Сондай-ақ Қазақстанда Бәсекелестікті қорғау және дамыту агенттігі жанындағы биржа комитетінің Ахуалдық орталығы ашылды. Ол тұрмыстық көмірді сату кезінде делдалдардың санын азайтып, тұрғындар үшін көмірдің бағасын төмендетуі керек.

Дәурен Ерболат

167058

Ұқсас материалдар:

batyrs-battle-turnirinin-zhenimpazdary-anyktaldy

6-ajda-kazakstandyktar-bzhzk-ga-812-mlrd-tenge-audargan

nur-sultanda-ush-kunde-70-ten-astam-kasipkerlik-nysan-karantin-shekteulerin-buzdy

sot-birtanovty-ujkamakta-kaldyrdy

prezident-eni-kompaniyasynyn-atkarushy-direktory-klaudio-deskalcidi-kabyldady

загрузка

×