Естеріңізге сала кетейік, оқиға 21 қаңтарда таңертең болған.
Сол күні келе жатқан пойызды өткізіп жіберу үшін тосқауыл жабылған. Алайда, 31 жастағы жүргізуші пойыздың алдынан өтуге ниет білдіріп, жоғары жылдамдықпен қоршауды айналып өтпек болады. Бірақ, оған үлгермей қалды. Қапыда 27 және 29 жастағы жігіт пен қыз қайтыс болды.
"Жүргізушінің өзі ауруханада ауыр жағдайда. Ол басынан жарақат алған. Және ол ешқандай түсініктеме бере алмады. Басқа зардап шеккендер де әртүрлі жағдайда. Осы уақытқа дейін медицина қызметкерлері тергеу амалдарын жүргізуге тыйым салды", - деді Қарағанды облысы полиция департаменті анықтау басқармасының бастығы Азамат Ахметов.
Көп жылдық тәжірибесі бар жүргізуші Дмитрий Чаренцев автовокзал алдындағы алаңда заңсыз жүргізушілердің адамдарды шақырғанын көптен бері бақылап келеді. Ал, жолаушылар тәуекелге бел буып, олардың көліктеріне отырады.
"Мұндай жағдайлар жиі кездеседі: Instagram-да ватсапқа тікелей сілтемесі бар аккаунттар жасалады, онда тасымалдауды ұсынатын жүргізушінің өзімен байланысуға болады. Сіз Ресейге де жете аласыз. Сондай-ақ, Қазақстандағы қалалар арасындағы тасымалдау да бар. Төмен бағамен жеткізіп тастайды. Ресми өкілден ерекшеленеді. Менің ойымша, рейдтерді, тексерулерді және т. б. ұлғайту керек", -деді көлік жүргізушісі Дмитрий Чаренцев
Кейде жолаушылардың басқа амалы болмайды. Өйткені көптеген бағыттар бойынша автобустар жүрмейді. Көлік министрі Қазақстанның үш облысында ғана автовокзалдардың қалыпты жұмыс істейтінін растады. Қалааралық автобустарды заңсыз такси жүргізушілері ығыстырған. Бұл жолдардағы апаттар санын едәуір арттырады.
"Халық тасымалдаушыларға тапсырыс беретін мобильді таксиге тапсырыс беру қосымшасын пайдаланады. Сонымен қатар, тасымалдаушылар мобильді қосымшаны күніне 8 сағаттан артық пайдаланады. Тиісінше, жүргізушілер шаршайды. Сонымен қатар, жылдамдық режимі қамтамасыз етілмейді. Егер жүргізуші белгілі бір уақыт жұмыс істесе, мұндай жағдайлар азаятын еді. Заңға бағынбай отырған мобильді қосымшалар өшірілуі керек."-деп атап өтті ҚР Көлік министрлігі республикаішілік автомобиль тасымалдары басқармасының басшысы Жәдігер Тілеген.
Келесі күні көлік министрлігі тасымалдаушылар мен такси платформаларының өкілдерін жинап, оларға заңдарды сақтау керек екенін түсіндірді. Заңнамаға түзетулер дайындалып жатыр. Сонымен қатар, олар ІІМ-мен рейдтер мен тексерулер санын көбейтуге келісті.
