Бірақ, кең сарайдай үйдің аукционы ешқандай қатысушының тіркелмеуінен өтпей қалды, деп хабарлайды inbusiness.kz сайты.
Сатып алуға ешкімнің зауқы соқпаған зәулім үй кезекті рет саудаға шығарылып отыр.
– Аукцион аясында Астана қаласы, Нұра ауданы, Қараөткел шағын ауданы, Ерейментау көшесі, 1-құрылыс мекенжайында орналасқан жертөлесі бар тұрғын үй сатылымға қойылады. Нысан барлық қатысушы үшін тең қолжетімділікті қамтамасыз ететін ашық және бәсекеге қабілетті шарттарда жүзеге асырылады, – делінген компанияның ресми сайтында.
10 ақпандағы жарияланған алғашқы сатылымда жертөлесі бар тұрғын үйдің бастапқы бағасы 1 883 338 958 теңге болған еді.
Десе де, 25 ақпанда өткен аукционда Кәрім Мәсімовтің зәулім үйін алуға ешкімнің зауқы болмады.
Айта кетейік, ҰҚК-ның бұрынғы басшысы Кәрім Мәсімов пен оның орынбасарлары қаңтардағы тәртіпсіздіктерден кейін "мемлекетке опасыздық жасады" және "мемлекеттік ұйымдастырмақ болды" деген күдікпен қамауға алынды.
