Қазақстанда еңбекке қабілетті жастағы тұрғындар саны азайып жатыр

1298

Жастар мен зейнеткерлер үлесінің артуына байланысты жұмыс берушілер эйджизмге жол бермей, тиімді жұмыс істеудің әдісін табуы керек.

Қазақстанда еңбекке қабілетті жастағы тұрғындар саны азайып жатыр

Елде бала туу көрсеткішінің өсуі, жастар үлесінің артуы және еңбекке қабілетті жастағы тұрғындар санының азаю тенденциясы байқалуда, деп хабарлайды inbusiness.kz порталы energyprom.kz-ке сілтеме жасап.

2020 жылдың қорытындысы бойынша Қазақстандағы еңбекке қабілетті халықтың үлесі (15 жастан зейнеткерлік жасқа дейін) тұрғындардың барлық санының небәрі 58,4%-на тең, бір жыл бұрынғы көрсеткіш – 59,1%, бес жыл бұрын – 61,6%, 2011 жылы – 64%. 

Сондай-ақ зейнеткерлер үлесі артуда – 11,4%, 2020 жылғы көрсеткіш – 11,4%, бес жыл бұрын – 10,6%, 2011 жылы – 9,9%, 15 жасқа дейінгі балалар мен жасөспірімдердің үлесі 30,3%-ға артқан, 2020 жылғы көрсеткіш – 29,9%, бес жыл бұрын – 27,8%, 2011 жылы – 26,1%.

Сонымен қатар беби-бумды ескерсек, соңғы аталған тенденция күшейе түседі: 2021 жылғы бірінші тоқсанда елде 100,5 мың сәби дүниеге келген – бұл соңғы жылдардағы ең жоғары көрсеткіш.

Өткен жылдың ұқсас кезеңімен салыстырғанда жаңадан дүниеге келген сәбилер санының өсуі – 8,4%. Осылайша Қазақстанда балалар, жасөспірімдер және қарттар үлесі артады. Осы жағдайда отандық бизнеске жұмыс істеуге тура келеді.

Биыл екінші тоқсанның қорытындысы бойынша жұмыс берушілердің "сүйікті жасы" 25-тен 44 жасқа дейін жұмыспен қамтылғандар үлесі 54,9%-ға дейін қысқарған, өткен жылғы көрсеткіш – 55,3%. Бұл елде жас және егде жастағы қызметкерлер саны артып келе жатқанын көрсетеді. 

2020 жылдың қорытындысы бойынша бұл көрсеткіш – 55,7%, екі жыл бұрын – 57,4%.

Сонымен қатар екі жылда 45 жастан асқан қызметкерлердің үлесі (және зейнеткерлік жасқа дейін) 30,8%-дан 31,4%-ға дейін, 16-дан 24 жасқа дейінгі жас қызметкерлердің үлесі (техникалық және кәсіптік білім беру мекемелері (ТжКБ) және ЖОО түлектері) 11,2%-дан 12%-ға дейін өсті.

Бұл тенденцияларды ескерсек еңбек нарығына өзгеріс қажет. Алайда осыған қарамастан әлемдегі сияқты Қазақстанда да эйджизм яғни мамандарды жасына байланысты кемсітушілік бар.

Жұмыс берушілер 25-26 жастан 45-46 жасқа дейінгі қызметкерлердің еңбек еткенін қалайды. Бірақ алдағы уақытта осы жастағы мамандардың үлесі азая түседі. Сондықтан бизнес тиімді жұмыс істеудің әдісін табуы керек.

Дәурен Ерболат

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу