Бірінші орта салмақта WBC "жастар" белбеуіне ие қазақстандық боксшы Садриддин Ахмедовтың (11-0, 10 КО) соңғы жекпе-жегі бокс кешінің ең керемет оқиғалардың бірі болды. Vesti.kz тілшісіне берген сұхбатында канадалық бокс маманы Лорент Поулин осындай пікір білдірді.
Қазақ боксшы 8 желтоқсанда 25 жастағы аргентиналық Хосе Антонио Вильялобосты (12-6-2, 7 КО) жетнші раундта ауыр нокаутқа түсірген.
"Ахмедовтың жекпе-жегі өте ұнады. Қарсыласын бірінші секундтардан бастап қысымға алды. Аргентиналық осал болмағанымен, Ахмедовтың алдында қауқарсыз көрінді. Деңгейлерінің айырмашылығы тым үлкен болды. Қарсыласын жекпе-жектің бірінші бөлігінде-ақ нокаутқа түсіре алатын еді, алайда, онымен ойнай тұруды жөн көрді. Бұл жанкүйерлерге де ұнады. Оның нокауты бокс кешінің үздік сәттерінің бірі болды. Бұл жігіт жаңа деңгейге жетті және мықты қарсыластар мен үлкен жекпе-жектерге дайын", – дейді Поулин.
