Алматы облысындағы "Нұр жол" кеден өткелінде бірден 18 келісім бекітілген. Оған сәйкес, ауылшаруашылық тауарларын өткізу мен тексерудің талаптары оңтайландырылмақ. Әзірге өкізілуі жеделдетілген тауарлар – бидай, арпа, соя, зығыр. Таяуда қатарға жеміс-жидек пен көкөністер де қосылады, деп хабарлайды Atameken Business.
"Жасыл дәліз" аясында, сондай-ақ, шаруалар үшін арнайы қоймалар да ашылмақ.
"Нұр жол" бекеті былтыр іске қосылған. Мұнда барлығы да автоматтандырылған, транспорттар 8 қатар жолмен өтеді. Биылғы жылдың 6 айында қазақ-қытай сауда-саттығы 310 млн долларды құрапты.
"Бірқатар ауыл шаруашылығы тауарларын еркін тасымалдау үшін келісімге қол жеткізілдік. Осы номенклатураны кеңейту бойынша әлі де үлкен жұмыс жүреді. Демек, қазақстандық ауыл шаруашылығы өндірушілеріне неғұрлым жоғары бәсекелестік ортаға шығуға мүмкіндік бар",– дейді ҚР Мемлекеттік кірістер комитеті төрағасының орынбасары Өмірзақ Бейспеков.
