Лозаннадағы жасөспірімдер Олимпиадасына Қазақстан атынан 26 спортшы қатысады

812

Олимпиадада әлемнің 70 мемлекетінен 15-18 жас аралығындағы 1880 спортшы бақ сынайды.

Лозаннадағы жасөспірімдер Олимпиадасына Қазақстан атынан 26 спортшы қатысады

9-22 қаңтар аралығында Швейцарияның Лозанна қаласында жасөспірімдердің үшінші қысқы Олимпиадасы өтеді. Төрт жылда бір келетін дүниежүзілік додаға Қазақстан командасының спортшылары да қатысады, деп жазады Olympic.kz. 

Лозаннадағы Жасөспірімдер Олимпиадасында әлемнің 70 мемлекетінен 15-18 жас аралығындағы 1880 спортшы бақ сынайды. Олимпиада ойындарында спорттың 16 түрінен медальдар сарапқа салынады.

 Атап айтар болсақ, жас спортшылар шаңғы жарысы, сноуборд, фристайл, шаңғы қоссайысы, тау шаңғысы, шаңғымен тұғырдан секіру, альпинизм, биатлон, шайбалы хоккей, шанамен сырғанау, бобслей, скелетон, мәнерлеп сырғанау, шорт-трек, конькимен жүгіру және керлингтен сынға түседі.

Қазақстан ұлттық құрамасы Лозаннадағы Олимпиада ойындарына жалпы есебі 26 жолдама жеңіп алды. Салыстырып айтар болсақ, ұлттық құрама 2012 жылғы Инсбурктегі Олимпиадаға 37 спортшы апарса, 2016 жылы Лиллехамерде өткен қысқы ойындарда 20 атлет бақ сынады. 

Қазақстандық жас спортшылар жасөспірімдердің қысқы Олимпиадасынан 8 медаль жеңіп алды. Әзірге, алтын жүлде жоқ. Төртжылдық жарысында жүлдеге іліккендер қатарында биатлоншы Галина Вишневская мен мәнерлеп сырғанаушы Элизабет Тұрсынбаева бар. 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу