"Бүкіл сақтандыру процедуралары өткізілген. Аталған 6 танкердегі мұнайдың Қазақстанннан шыққаны туралы сертификаттар Түркия тарапына берілді. Қазір диалог жалғасып жатыр. Мен кеше кешке біздің Сыртқы істер министрімен де, Анкарадағы елшімен де сөйлестім. Біздің дипломаттар бізге тиісті, қажетті көмек көрсетіп жатыр. Мәселе 1-2 күнде шешіледі деген үмітіміз бар. Сақтандыру туралы айтсақ, оның басым бөлігі британиялық, еуропалық компаниялар. Сақтандыру процедуралары тиянақты жасалған", - деді "ҚазМұнайГаз" басшысы.
Оның айтуынша, бұл жағдай Қазақстан мұнайының бағасына кері әсер етпейді.
"Бұл біздің экономикамызға ешқандай шығын әкелмейтінін айттым. Өйткені жыл сайын желтоқсан айында Босфордан танкерлердің өту уақыты 14 күнге дейін барады. Экономикаға шығын біз мұнай өндіру көлемін қысқартып жатсақ келер еді. Яғни, бұған дейін қанша қарқынмен мұнай шайқасақ, қазір де сол көлемде шайқап жатырмыз. Тек танкерлерге тиеліп, Босфор арқылы ақырын жылжып жатыр", - деді Мағзұм Мырзағалиев.
Сондай-ақ ол Қазақстан мұхитқа Босфор арқылы ғана емес, Қара теңіз арқылы да шыға алатынын айтты.
"Румыния және Болгария бағыттары бар. Қазір жағдай шетін деуге келмейді. Бірақ қазір біз оны шешумен қызу айналысып жатырмыз. Бұл мәселе жуық арада шешіледі деп ойлаймыз. Сондықтан біздің бағалауымызға мұнай бағасында көрініс таппауы керек. Қазіргі тәуекел шектен тыс бір межеден асып кеткен жоқ", - деді "ҚазМұнайГаз" басшысы Мырзағалиев.
