Франция президенті Эммануэль Макрон Біріккен Ұлттар Ұйымының Қауіпсіздік Кеңесін сынға алды. Оның айтуынша, бұл орган қабылдап жатқан қазіргі шешімдер тиімділігін жоғалтқан.
"Жан-жақты ынтымақтастық бәсеңдеді, өйткені оған шектеу қойылып жатыр. Бүгінгі таңда Қауіпсіздік Кеңесі қабылдап жатқан шешімдер тиімді емес", – деді ол.
Бұған дейін Оңтүстік Африка Республикасы БҰҰ-дан Африка құрлығына осы органның тұрақты мүшелігін беруді талап еткен еді. Осы елдегі биліктің пікірінше, халық саны миллиардтан асатын құрлық мұндай өкілдікпен қамтамасыз етілуі тиіс.
Қауіпсіздік Кеңесі – әлемдегі қауіпсіздік пен бейбітшілікті сақтауға бағытталған БҰҰ органы. Оның тұрақты бес мүшесі бар: Ресей, Британия, АҚШ, Қытай, Франция.
Табиғат Нұрболат
Фото: globallookpress.com
