ICAN 2019 аясында қазақстандық делегация Малайзияның авиациялық биліктерімен келіссөздер жүргізді, деп хабарлады ИИДМ Азаматтық авиация комитетінің баспасөз қызметі.
"Мемлекет башысының "ашық аспан" тапсырмасы аясында Малайзия әуекомпанияларына жиілік бойынша шектеусіз және әуе еркіндігінің бесінші дәрежесін пайдалану арқылы Қазақстанның 11 әуежайына (Нұр-Сұлтан, Алматы, Шымкент, Ақтау, Қарағанды, Өскемен, Павлодар, Көкшетау, Тараз, Петропавл, Семей) тұрақты рейстер орындауға мүмкіндік берілді", – делінген хабарламада.
Малайзиялық Air Asia X лоукостерінің өкілдері Қазақстанға 2020 жылдың 2-тоқсанынан бастап рейс ашуды жоспарлап отыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
