/img/tv1.svg
RU KZ
Павлодар облысына шетелден 3000-нан астам ірі қара жеткізілді

Павлодар облысына шетелден 3000-нан астам ірі қара жеткізілді

Етті және сүтті бағыттағы ірі қаралар симментал, герефорд, абердин-ангус тұқымдас.

12 Қыркүйек 2019 19:22 577

Павлодар облысына шетелден 3000-нан астам ірі қара жеткізілді
Бұл туралы ҚР АШМ Ветеринарлық бақылау және қадағалау комитеті Павлодар облыстық аумақтық инспекциясының басшысы Рашид Нұрбеков айтты, деп хабарлайды pavlodarnews.kz.

«Еуразиялық Экономикалық Одақ мүшелері - мемлекеттерінен жануарларды әкелу 2010 жылы Еуразиялық Одақта бектілген шешімге сәйкес жүзеге асырылады.  Елімізде «Сыбаға» мемлекеттік бағдарламасы аясында 7 миллионнан 15 миллионға дейін ірі қара мал әкелу жоспарланып отыр. Бағдарлама бойынша қаржыландыру ұзақ мерзімге - 15 жылға дейін қарастырылған. Жылдық пайызы төмен - 4 пайызға дейін. 2019 жылы Павлодар облысына 3314 бас ірі қара сатып алынды. Оның ішінде 1935 бас - Ресей Федерациясынан, 289 бас - Чех Республикасынан, 90 бас - Эстониядан. Бұл өткен жылмен салыстырғанда 742 басқа артық», - дейді ол.

Спикердің айтуынша, асыл тұқымды малдар аймақта барлығы 33 шаруа қожалығына әкелінген және олардың барлығында карантиндік шаралар аяқталған. Бүгінгі таңда үшеуінде жалғасуда. Ауыл шаруашылығы жануарларын әкелуді жоспарлау кезінде шаруашылық басшылары экспорттаушы шаруашылықтар Кеден одағы кәсіпорындарының тізіліміне кіруі тиіс екенін ескеруі тиіс. Қызметтің негізгі бағыттарының бірі - тасымалданатын ветеринариялық-санитариялық бақылау объектілерін бақылау, Қазақстанның жақын маңдағы облыстары мен Ресей Федерациясының шектес аумақтарынан инфекцияның әкелінуіне жол бермеу.

«Жылдың соңына дейін тағы 7 мыңдай ірі қара мал әкелу жоспарланып отыр. Карантиндік шаралар жіберуші және қабылдаушы жақта мал иелерінің есебінен жүзеге асырылады. Карантиндік шаралар аяқталып, тізімге қойғаннан кейін зерттеу мемлекеттік тапсырыс есебінен жүргізіледі» - дейді Рашид Нұрбеков.  

 

Тұздан шыны табылғаны рас па?

Қазақстандық тұзды Ресей дүкендерінің сөресінен алып тастауы мүмкін.

20 Қыркүйек 2019 22:44 1116

Көрші елдің азаматтары "Аралтұздан" жаппай бас тартуға шақыруда. Желіде ас тұзының суда ерімеуінен шу шыққан. Себебін тұтынушылар құрамында шыны бар деп түсіндірген. Сондай-ақ иісі, дәмі сезілмейді деп шағымданған. Осыған байланысты біздің арна тілшілері Арал тұзға хабарласты. Ондағылар бұл ақпаратты растамайтындарын айтып, бұл нағыз күйе жағу деді.  

Сауда және интеграция министрлігі тұздан шыны табылғанын жоққа шығарды. Алайда «РосПотребНадзор» да қазақстандық отандық тұздың құрамын тексеруді бастап кетті. Осыған қатысты Сауда және интеграция министрінің орынбасары арнамызға арнайы сұқбат берді. Айтуынша біздің тарап Ресейдің тиісті органынан адал бизнестің атына кір келтіріліп, жала жапқаны үшін заң аясында шара қолдануды сұрапты.

Қазақстандық тауарлардың Ресей нарығына кіргізілуі қиындады

Ал Ресейге салынған санкциялар кесірінен қазақстандық бірқатар тауарларды көрші елдердің нарығына кіргізу қиындап кетті.

20 Қыркүйек 2019 18:52 938

Дегенмен мұндай қиындық 2015 жылы Еуразиялық экономикалық одақ құрылғалы бері орын алып келеді екен. «Атамекен» палатасы төрағасының орынбасары Евгений Больгерттің айтуынша, 2018 жылы Қазақстан Ресейге 5 млрд 280 млн теңгенің тауарын тасымалдапты. Ал ол жақтан елге 13 млрд 270 млн-ға өнім кіргізілген. Яғни, Ресей импорттау жағынан біздің нарықта бірінші орында тұр. Одан кейінгі орынға Қытай мен Германия шыққан. Ұлттық палатаның мәліметінше, жыл басынан бері «Россельхознадзор»-дың қойған 16 шектеуінен тек екеуі ғана, яғни ет пен сүтке қатысты кедергі алыныпты.