DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 279,62 Brent 36,55
Полиция қызметкерлері жерлеу компанияларына хабар беріп отырған

Полиция қызметкерлері жерлеу компанияларына хабар беріп отырған

Алматы және Сарыарқа аудандарындағы полиция басқармаларының кезекші бөлімдерінің 9 қызметкері теріс пікірмен жұмыстан шығарылды.

23 Тамыз 2019 18:01 732

 Полиция қызметкерлері жерлеу компанияларына хабар беріп отырған

Елордада жерлеу рәсімін жүргізетін компанияларға деректер базасын сатқан полицейлер анықталды. Бұл туралы ҚР Сыбайлас жемқорлыққа қарсы іс-қимыл агенттігі Превенция департаментінің басшысы Анар Жарова мәлімдеді, деп хабарлайды ҚазАқпарат.

«2019 жылдың 7 айында Жемқорлыққа қарсы қызмет пен оның аумақтық органдары түрлі мемлекеттік органдарға 1900 ұсыным берді. Олардың басым бөлігі ішкі істер, жергілікті атқару органдарына, білім беру мекемелеріне, Мемлекеттік кірістер комитетіне және квазимемлекеттік сектор ұйымдарына жіберілді. Мұндай тәсіл аталған салалардағы құқықбұзушылықтардың себебін анықтау мен сын-қатерлерді азайтуға мүмкіндік береді», – деді Анар Жарова ҚР Сыбайлас жемқорлыққа қарсы іс-қимыл агенттігінде өткен брифингте.

Спикер елордалық полицейлер мен жерлеу рәсімін жүргізетін команиялардың сыбайластығы жөнінде айтып берді.

«Жерлеу рәсімін жүргізетін компаниялар адам қайтыс болған үйге барып, олардың жағдайына қарамастан, өз қызметтерін ұсынады. Оларға ақпарат қайдан жетті деген қисынды сұрақ туындайды. Жемқорлыққа қарсы қызмет полиция қызметкерлерінің жерлеу компанияларынан сыйақы алып, деректер базасымен бөліскенін анықтады», – деді ол.

Аталған фактілерді тергеу арқылы Нұр-Сұлтан қаласы Алматы және Сарыарқа аудандарындағы полиция басқармаларының кезекші бөлімдерінің 9 қызметкері теріс пікірмен жұмыстан шығарылды. Олардың басым бөлігінде майор атағы болған.

«Тиісті бақылау жүргізілмегені үшін олардың тікелей басшылары да тәртіптік жаза мен қатаң ескерту алды. Мұндай фактілер барлық жерде болады деп ойлаймыз. Осыған байланысты, сыбайлас жемқорлыққа бей-жай қарамайтын азаматтарға агенттіктің «1424» Call-орталығына хабарласуын сұраймыз», – деді Анар Жарова.

inbusiness.kz-ті қараңыз, оқыңыз :

Нұр-Сұлтанда полиция қызметкерлеріне қонақүйден орын бөлінді

Сұраныс туындаған жағдайда нөмір саны артады.

23 Сәуір 2020 09:39 99

Нұр-Сұлтанда полиция қызметкерлеріне қонақүйден орын бөлінді

Нұр-Сұлтан қаласында коронавирусқа қарсы шараларға қатысып жатқан полиция қызметкерлерінің қауіпсіздігін қамтамасыз ету үшін қонақүйде 100-ге жуық нөмір бөлінді. Олардың қатарында жедел басқару орталығының қызметкерлері де бар (102). Сұраныс туындаған жағдайда нөмір саны артады, деп хабарлайды әкімдіктің баспасөз қызметі.

Бұған дейін Нұр-Сұлтан қаласы әкімдігі жедел штабының шешіміне сәйкес коронавируспен күресіп жатқан медицина қызметкерлері де қонақүйлерге орналастырылды. Дәрігерлер үшін «Дипломат», «Думан», «Хилтон» қонақүйлерінен орындар сайланды.

СТЅ компаниясы дәрігерлерді көлікпен, тамақпен қамтыды.

Алматыда полиция қызметкері жол апатынан қайтыс болды

Ол жеке көлігімен түнгі ауысымнан кейін үйіне қайтып бара жатқан жолда жол апатына ұшыраған.

18 Сәуір 2020 16:19 143

Алматыда полиция қызметкері жол апатынан қайтыс болды

18 сәуір жол-көлік оқиғасында 1992 жылы туған Алматы қаласы әкімшілік полиция басқармасының қызметкері қайтыс болды, деп хабарлайды Polisia.kz.

Ол жеке көлігімен түнгі ауысымнан кейін үйіне қайтып бара жатқан. Әл-Фараби даңғылы бойымен жүріп өтіп, жерасты өткелінің қоршауына соқтығысқан.

Апат салдарынан полицей ауыр жарақат алып, жедел жәрдем көлігінде ауруханаға жетпей көз жұмды.

Жүргізушінің қанында алкоголь анықталмады. Апаттың мән-жайы қосымша тергеу барысында анықталады.

Алматы Полиция департаментінің басшылығы мен ұжымы оның қайғылы қайтыс болуына байланысты туыстары мен жақындарына көңіл айтады.

Жаңалықтарға жазылу: