Сауд Арабиясы қолданылмаған минералды ресурстарға, соның ішінде фосфаттарға, алтынға және сирек жер элементтеріне жаңа бағалау жұмыстарын жүргізді. Олардың құны 2,5 трлн долларға дейін көтерілді. 2016 жылы бұл көрсеткіш 1,3 трлн доллар деңгейінде болды, деп хабарлады елдің тау-кен министрі Бандар Әл-Хоораеф. Бұл туралы inbusiness.kz сайты Reuters агенттігіне сілтеме жасап хабарлайды.
Негізінен, тау-кен өнеркәсібі Эр-Риядтың мұнайдан тәуелсіз экономиканы құру жөніндегі күш-жігерінің негізгі бөлігі болып табылады. Оның ішінде фосфаттардың, алтынның, мыстың және бокситтің үлкен қорларын игеруге көшу жұмыстары бар.
"Бұл 1,2 триллион долларлық өсім. Мәселен, бізде бар фосфаттар мен сирек кездесетін элементтер сияқты жаңаларының және тауар бағасын қайта бағалаудың жиынтығы", — деп қосты министр.
Ресми хабарландыру 10 қаңтар күні Болашақ минералдар форумының (FMF) отырысы кезінде жария етіледі.
Сондай-ақ, Әл-Хоораеф бағалаудың 10%-ға өсуі электромобильдер мен жоғары технологиялық өнімдер үшін маңызды сирек жер минералдарын қосу арқылы болатынын түсіндірді.
"Биылғы жылы Сауд Арабиясы халықаралық инвесторларға пайдалы қазбаларды барлауға 30-дан астам лицензия беруді жоспарлап отыр", — деді ол.
