2021 жылғы тамыздың қорытындысы бойынша фармацевтикалық препараттардың бағасы бір айда 0,3%-ға, ал бір жылда 3,3%-ға көтерілген.
Жылдық динамикада дәрі-дәрмектер бағасы Маңғыстау облысында айтарлықтай өскен – 14,1%. Сондай-ақ препараттар Нұр-Сұлтан (10,9%) және Ақмола облысында (9,1%-ға) қымбаттаған.
Қостанай, Павлодар (әр өңірде 0,1%) және Жамбыл (2,9%) облыстарында дәрі-дәрмектер мен өзге де фармацевтикалық препараттар арзандады.
Фармацевтикалық препараттар бір жылда "Хилак форте" (30 мл) 17,9% немесе 1,6 мың теңге, "Эссенциале форте Н" (30 капсула) – 10,3% немесе 2,9 мың теңге, "Но-шпа" (40 мг, 100 таблеток) – 10,2% немесе 2,7 мың теңге, "Корвалол" (25 мл) – 9% немесе 180 теңге, "Аквалор" (125 мл) – 8,4% немесе 2 мың теңгеге қымбаттаған.
Сондай-ақ "Ренни", "Омез", "Ксимелин", "Ингавирин", амброксол және басқа да препарат бағасы айтарлықтай өскен.
"Верошпирон" (100 мг, 30 капсула) бағасы өзгеріссіз қалды – 2,2 мың теңге.
Жылдық динамикада "Фенистил Нью" (20 мл) – 0,1% немесе 2 мың теңге, "Гипотиазид" (25 мг, 20 таблеток) – 1,8% немесе 1,1 мың теңге,
"Азитромицин" (500 мг, 3 таблетки) – 3,4% немесе 949 теңге, парацетамол (10 таблеток) – 5% немесе 81 теңге, ацетилсалицил қышқылы (10 таблетка) – 10,4% немесе 51 теңгеге арзандаған.
2021 жылғы қаңтар-шілдеде Қазақстанға 615,8 млн доллар болатын 12,4 мың тонна дәрі-дәрмек жеткізілген. Өсім заттай көріністе – 70,7%, ақшалай көріністе – 92,4%.
ТМД елдерінің үлесінде – дәрі-дәрмек импортының 42,9% немесе 5,3 мың тонна препарат. Бұл өткен жылмен салыстырғанда 59,9%-ға артық. Жыл басынан бері Ресейден 38,4 млн доллардың 4,1 мың тонна дәрі-дәрмегі жеткізілді. Одан кейін тізімде Беларусь (454,5 тонна) және Украина (449,6 тонна) тұр.
ТМД-ға кірмейтін мемлекеттерден 7,1 мың тонна дәрі-дәрмек әкелінді, бұл өткен жылмен салыстырғанда 81,8%-ға артық. Мұнда ең көп көлем Қытай (5,4 млн доллар болатын 1,3 млн тонна дәрі-дәрмек), Үндістан (44,8 млн доллар болатын 1 млн тонна дәрі-дәрмек) және Германияға (107,8 млн доллар болатын 947 тонна дәрі-дәрмек) тиесілі.
Айта кетейік, 2021 жылғы 27 тамыздағы Денсаулық сақтау министрі дәрілік заттың саудалық атауына арналған өндірушінің шекті бағасын, сондай-ақ бөлшек және көтерме саудада өткізу үшін дәрілік заттың саудалық атауына шекті бағаны бекітті.
Тізімде барлығы 7023 препарат бар. Бұйрық 2021 жылғы 18 қыркүйектен бастап күшіне енді.
Дәурен Ерболат
