/img/tv1.svg
RU KZ
Hang Seng 23 372,43 KASE 2 155,58
РТС 955,34 FTSE 100 5 510,33
DOW J 21 641,19 Өнеркәсібі 1 552,50
Швейцария Қазақстанның ең ірі 20 инвесторының бірі

Швейцария Қазақстанның ең ірі 20 инвесторының бірі

Бұл туралы Швейцарияның Қазақстандағы төтенше және өкілетті елшісі Урс Шмид айтты.  

26 Ақпан 2020 21:16 129

Швейцария Қазақстанның ең ірі 20 инвесторының бірі

FrankofonıNaýryzy 2020 аясында елордада Швейцарияның «Әйелдер мен пойыздар» фильмі көрсетіледі. Сондай-ақ, сағат мен шоколад елінен артистер мен жазушылар да келуді жоспарлап отыр.

Швейцарияның Қазақстандағы төтенше және өкілетті елшісі Урс Шмид мырза да еліміз бен франкофон елдері арасындағы экономикалық қарым-қатынастарға тоқталды.

«Франкофон елдері Қазақстанның ең ірі серіктесі. Швейцария мен Қазақстан арасында өте тығыз экономикалық ынтымақтастық орнаған. Біз Қазақстанның ең ірі 20 инвестор елінің біріміз. Швейцариялық ірі кәсіпорындар ашылып, көп адамға жұмыс орнын ұсынып отыр. Сондай-ақ, біз Қазақстанның маңызды сауда серіктесіміз. Мысалы, Швейцария Қазақстан мұнайының ірі тұтынушысы. Елде сатылатын үш литр бензиннің бір литрі Қазақстан мұнайынан жасалған. Дәрі-дәрмек өндірісі, білім беру саласында да тығыз байланысымыз бар», – деді Урс Шмид.

Франкофония мерекесі аясында байқаулар, франкофони жәрмеңкесі секілді мерекелік шаралар өтеді.

Нұржан Көшкін

 

inbusiness.kz-ті қараңыз, оқыңыз :

Шайбалы хоккейден Швейцариядағы әлем чемпионаты өтпеуі мүмкін

Бұл туралы IIHF вице-президенті Калерво Куммола мәлімдеді.    

04 Наурыз 2020 20:52 99

Шайбалы хоккейден Швейцариядағы әлем чемпионаты өтпеуі мүмкін

Мамыр айында Швейцарияның Цюрих және Лозанна қалаларында өтуі тиіс шайбалы хоккейден ерлер арасындағы әлем чемпионаты коронавирус қаупіне байланысты өтпей қалуы мүмкін, деп хабарлайды Olympic.kz. 

Швейцария билігі коронавирус қаупінен сақтану үшін елдегі бұқаралық іс-шараларды өткізуге тыйым салды. Ал ел чемпионаты көрермендердің қатысуынсыз өтуде. 

IIHF вице-президенті Куммоланың айтуынша, Швейцариядағы тыйым күшінде қалса, чемпионатты кейінге шегеріледі. 

«Біз бұған қарсы ештеңе істей алмаймыз. Әрине, әлем чемпионатын кейінге қалдыру жақсы нәрсе емес. Бірақ біз спортшылардың денсаулығын қатерге тіге алмаймыз. Денсаулық керек. Біз қауіптің беті қайтады деп үміттенеміз. Ал чемпионатты басқа елге ауыстыру мәселесі мүлде қаралмайды. Себебі, біз оған дайын емеспіз. Барлығы да 17 наурызда шешіледі», – дейді Калерво Куммола. 

Осыған дейін IIHF алты әлем чемпионатын кейінге қалдырған еді.
 

Швейцарияда Абай мен әл-Фарабидің мерейтойларына арналған маркалар шығарылды

Елшілік шығарылған пошта маркаларын күнделікті іскерлік хат алмасуда қолданады.

12 Ақпан 2020 15:46 160

Швейцарияда Абай мен әл-Фарабидің мерейтойларына арналған маркалар шығарылды

Қазақстанның Швейцариядағы Елшілігі қазақтың ұлы ақыны Абайдың 175 жылдығына және түркі философы Əбу Насыр əл-Фарабидің 1150 жылдығына арналған мерейтойлық почта маркаларын шығару туралы бастама көтерді, деп хабарлайды СІМ баспасөз қызметі.

Елшілік шығарылған пошта маркаларын күнделікті іскерлік хат алмасуда қолданады.

Айта кетсек, Швейцарияның поштасы мен пошта маркалары – елдің басты брендтерінің бірі. SwissPost маркалары коллекционер мен туристер арасында өте танымал. Ал бұл компанияның хат айналымы жылына 2 млрд хатқа дейін жетеді.

Жаңалықтарға жазылу: