Солтүстік Қазақстан облысында биыл жылыту маусымы жылдағыдан ерте басталды, деп хабарлайды ҚазАқпарат.
СҚО энергетика және тұрғын үй-коммуналдық шаруашылық басқармасының жетекшісі Әділбек Әубәкіровтің мәліметінше, 18 қыркүйектен бастап әкімдіктің қаулысына сәйкес облыстағы әлеуметтік нысандарға жылу беріле бастады.
"19 қыркүйектен бастап жылыту жүйесіне тұрғын үйлер қосыла бастайды. 10 күнге бекітілген бағдарлама бар және тұтынушылардың өтінішіне қарай жылу беріледі", – деді Әділбек Әубәкіров.
Қолайсыз ауа-райына байланысты соңғы үш жылда облыста жылыту маусымы 23 қыркүйек басталды. Биыл синоптиктердің болжамына сай бұл жұмыс бір апта бұрын басталуға тиіс еді. Алайда, күннің жылынуына байланысты бірер күнге кейінге шегерілді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
