Алматы қаласы қоғамдық даму басқармасының тапсырысы бойынша "Студенттер футбол лигасы" қоғамдық қоры Алматы қаласының белсенді, талантты жастарына және әлеуметтік жағдайы төмен отбасыдан шыққан жастарға арналған "#SmartJastar" атты жастар лагерін ұйымдастырды.
"#SmartJastar" лагерінің мақсаты – болашағы зор және талантты жастарды қолдау, үлкен шығармашылық әлеуетті дамыту және жас ұрпақтың кәсіби дамуы үшін барлық жағдайларды жасау. Сонымен қатар жастар арасында жаңа қазақстандық патриотизмді қалыптастыру, рухани-адамгершілік құндылықтарды түсіндіру және дамыту.
Лагерь аясында жастардың ораторлық, көшбасшылық қасиеттерін қалыптастыру үшін жоғары деңгейдегі спикер, тренерлердің қатысуларымен көптеген семинар-тренинг, шеберлік сыныптары өткізілді. Сонымен қатар, өз-өздеріне сенімділігін, батылдықтарын арттыру мақсатында жастар тимбилдингтерге, квест ойындарына, және салауатты өмір салтын сақтау мақсатында ұйымдастырылған спорттық шараларға белсене қатысты. Сондай-ақ, қосымша мотивация алуы үшін, жастар мен мәдениет және спорт саласында үлкен жетістіктерге жеткен тұлғалармен кездесу ұйымдастырылды.
