DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 311,62 Brent 36,55
Судья жолсеріктерге қатысты істі прокуратураға қайтарды

Судья жолсеріктерге қатысты істі прокуратураға қайтарды

Бірінші инстанция үкімінің күші жойылды, іс қайта қаралатын болды.

22 Тамыз 2019 16:18 342

Судья жолсеріктерге қатысты істі прокуратураға қайтарды

Фото: sputniknews.kz

Қостанай облыстық соты «Тальго» пойызында әйелді зорлау ісі бойынша апелляциялық шағымды қарады, деп хабарлайды Sputnik.  

Белгілі болғандай, судья істі қосымша тергеу үшін прокуратураға қайтарды. Қостанайдың №2 сотында барлық айғақ зерттелмеген. Сот алқасы бірінші инстанция үкімінің күшін жойды.

Бұған дейін, «Тальго» пойызының жолсеріктері Жетес Үмбеталиев пен Қолқанат Құрманиязов Қылмыстық кодекстің 120-бабы 1-бөлігінің 1-тармағы (зорлау) бойынша кінәлі деп танылған еді. Осылайша олар 2 жыл 6 айға бас бостандығынан айырылды.

Жәбірленуші тарап сот үкіміне қанағаттанған жоқ. Прокурор кінәлілерді алты жылға соттауды сұраған болатын.

Жаға ұстатарлық оқиға өткен жылы қыркүйек айында болған. Бұл туралы 2018 жылдың қараша айында «НеМолчиKZ» зорлық-зомбылыққа қарсы қоғамдық қозғалысы» қорының басшысы Дина Таңсәрі жазды. Оның айтуынша, елордадағы ғылыми конференциядан Ақтөбеге қайтып бара жатқан әйелді «Тұлпар-Тальго» пойызында екі жолсерік зорлаған.

Судья бұл оқиғаны жабылып зорлау деудің орнына, «әдеттегі әйел зорлау» деп бағалады.

Бұл шешім қазақстандықтардың наразылығын тудырды. Бас көлік прокуроры жолсеріктерге шығарылған сот үкімі қайта қаралатынын мәлімдеді. Ал «Қазақстан темір жолы» зорланған әйелден кешірім сұрады.

inbusiness.kz-ті қараңыз, оқыңыз :

Германия жолсеріктері ереуілге шықты: 100 рейс кейінге шегерілді

Майн, Франкфурт, Дюссельдорф және Кельн әуежайлары кейінге шегерілген рейстерінің нақты санын айтпай отыр.

21 Қазан 2019 09:34 384

Германия жолсеріктері ереуілге шықты: 100 рейс кейінге шегерілді

Германияда Lufthansa тобына кіретін төрт әуе компаниясының жолсеріктері ереуілге шықты, деп хабарлайды Atameken Business.

Осыған байланысты Берлин, Гамбург, Мюнхен, Майндағы Франкфурт, Дюссельдорф және Кельн әуежайларындағы рейстер кейінге шегерілді.

Мұның алдында ереуілді 20 қазанда сағат 5-тен 11-ге дейін өткізу жоспарланған. Бірақ қызметкерлер оны түн жарымына дейін созуға шешім қабылдапты. Салдарынан Халықаралық Берлин-Тегель әуежайы 15 рейсті тоқтатты, ал Гамбургте – 12, Мюнхен әуежайында – 10-ға жуық. Майн Франкфурт, Дюссельдорф және Кельн әуежайлары кейінге шегерілген рейстерінің нақты санын айтпай отыр.

Зорлық көрген жолаушы «ҚТЖ» компаниясынан қауіпсіздікті қамтамасыз етуді сұрады

Зорлау қылмысына қатысты заңнаманы қатайту мәселесі талқыланды.

12 Тамыз 2019 17:30 408

Зорлық көрген жолаушы «ҚТЖ» компаниясынан қауіпсіздікті қамтамасыз етуді сұрады

Зорлау қылмысына қатысты заңнаманы қатайту мәселесі бойынша өтіп жатқан дөңгелек үстелге «Тальго» пойызында зорлық көрген жәбірленуші де қатысты, деп хабарлайды ҚазАқпарат.

«Тальго» пойызында зорлық көрген жәбірленуші басынан өткен оқиғаны дөңгелек үстелге қатысушыларға толық баяндай келіп, әуелде кінәлі тарап істі ақша төлеу арқылы жауып тастамақ болғанын айтты.

«Істің басқалай бағыт алып бара жатқанын көргенде маған зорлық көрсеткен тарап ақша ұсынды. Мен ақшаға мұқтаж адам емес екенімді, ар-намысым үшін күресіп жүргенімді айттым. Олар ұсынған ақшаны мен екі айда таба аламын. Екі айда табатын ақшаны біз саған бір жолда бергелі отырмыз деп көндірмек болды», – дейді жәбірленуші.

Ол сондай-ақ бұл істі ешқандай ың-шыңсыз, заң аясыда шешпек болғанын айтады. Алайда өз құқығы мен намысы қорғалып жатпағанын көргенде ғана қоғамдық ұйымдарға жүгінген.

«Мен ең бірінші егде жастағы ата-анамды ойладым. Соларға ауыр тиетінін білдім. Сол үшін ешқандай резонанс туғызбай-ақ, заң аясында шешкім келді. Бірақ олай мүмкін болмады», – деген зардап шегуші «Қазақстан темір жолы» компаниясының өкілдерінен жолаушылардың қауіпсіздігін қамтамасыз етуді сұрады.

«Қазақстан темір жолы» компаниясынан жолаушылардың қауіпсіздігін толық көлемде қамтамасыз етуді сұраймын. Вагондарға белгі беретін тетік орната ма, әлде бейнебақылау қоя ма, әйтеуір қауіпсіздікті қамтамасыз ету қажет. Егер сол кезде осындай тетіктер болса, мен осылайша азап шекпес едім», – деді ол.

Еске салсақ, ғылыми конференциядан қайтып келе жатқан бойжеткенді «Тальго» пойызында зорлады деген күдік бойынша екі жолсерікке қатысты қылмыстық іс сотқа түскен. Кейін бұл оқиға бойынша «Жолаушылар тасымалы» АҚ түсінік берді. 26 шілде күні Қостанайда «Тұлпар-Тальго» пойызында ақтөбелік бойжеткенді зорлаған екі жолсерікке үкім оқылды.

Жаңалықтарға жазылу: