/img/tv1.svg
RU KZ
Hang Seng 23 139,49 KASE 2 175,54
FTSE 100 5 500,27 DOW J 21 761,88
РТС 960,87 Brent 23,02
Түркістан облысында қарумен қашып кеткен сарбаз ұсталды

Түркістан облысында қарумен қашып кеткен сарбаз ұсталды

Бұған дейін 20 ақпанға қараған түні кіші сержант қызметтік орнынан өз еркімен кетіп қалғаны хабарланған еді.   

20 Ақпан 2020 20:52 176

Түркістан облысында қарумен қашып кеткен сарбаз ұсталды

Түркістан облысында қару-жарақ алып, әскерден қашып кеткен сарбаз ұсталды, деп хабарлайды ІІМ өкілдері. 

Сарбазды ІІМ мен ҰҚК қызметкерлерінің арнайы жедел тобы ұстаған.

«1995 жылы туған әскери қызметші Абылай Балғынбай бүгін әскери бөлімнен өз еркімен кетіп, атыс қаруын ұрлаған, ол ұсталды. Қаруды ұрлау фактісі бойынша ҚР ҚК-нің 291-бабы бойынша сотқа дейінгі тергеу жүргізіліп жатыр. Қажетті тергеу әрекеттері жүргізіліп жатыр», – деп хабарлады ІІМ өкілдері.

inbusiness.kz-ті қараңыз, оқыңыз :

2 күнде 1,7 мың жол-қауіпсіздігі ережесін бұзу анықталды

Түркістан облысында «Қауіпсіз жол» жедел-профилактикалық іс-шарасы өткізілуде. 

23 Қазан 2019 12:53 426

2 күнде 1,7 мың жол-қауіпсіздігі ережесін бұзу анықталды

Түркістан облысы полицейлері «Қауіпсіз жол» жедел-профилактикалық іс-шарасының 2 күнінде 1718 жол-қауіпсіздігі ережесін бұзуды анықтады, деп хабарлайды облыстық полиция департаментінің баспасөз қызметі.

Түркістан облысы аумағында «Қауіпсіз жол» жедел-профилактикалық іс-шарасы өткізілуде. 21 қазанда басталған шара 27 қазанда аяқталады.

Полиция қызметкерлері екі күн ішінде облыстың автожолдарында 1718 жол қозғалысы ережесін бұзуды анықтапты, соның 104-ін қоғамдық көлік жүргізушілері жасаған. Жылдамдықты асырғаны үшін 46 жүргізуші әкімшілік жауапкершілікке тартылған.

«Қарама-қарсы қозғалыс жолағына шығу бойынша 10 жайт, маневр жасау ережелерін бұзушылардың 99 жайт және бағдаршамның тыйым салынған дабылынан өту бойынша 14 дерек анықталды. Көлік құралдарын басқару кезінде ұялы телефондарды пайдаланғаны үшін 215 жүргізуші жазаланды және 251 қауіпсіздік белдіктерін пайдаланбағандар айқындалды. Сондай-ақ, 32 жүргізуші жаяу жүргіншінің жүрісіне басымдық бермегені үшін және 228 жаяу жүргінші жол жүру ережесін бұзғаны үшін жауапкершілікке тартылды»,– делінген хабарламада.

Түркістан облысында алғашқы индустриялық сертификат берілді

Биылғы жылдың 1 шілдесінен бастап жиһаз және жеңіл өнеркәсіп кәсіпорындары индустриялық сертификат болған жағдайда ғана мемлекеттік сатып алуға қатыса алады.

08 Қазан 2019 12:38 538

Түркістан облысында алғашқы индустриялық сертификат берілді

Түркістан облысындағы алғашқы индустриялық сертификаттың иегері нарықта 2016 жылдан бері жұмыс істеп келе жатқан «Ақниет» Созақ ауданының мүгедектер қоғамы» ҚБ болды, деп хабарлайды atameken.kz.

«Ақниет» Созақ ауданының мүгедектер қоғамы» ҚБ-мүгедектерді еңбекпен қамтумен айналысады. Кәсіпорын жеңіл өнеркәсіп өндірісіне жатады. Кәсіпорында жұмыскерлердің жалпы санының 60%-ын мүмкіндігі шектеулі жандар құрап отыр.

Кәсіпорын тігін өнімдерін – арнайы қолғаптар, төсек-орын жиынтықтары, жатын матрастар, көрпелер, алжапқыштар, ерлер халаттары, улы емес шаңнан қорғайтын комбинезондар шығарады. Өзінің өндірістік базасы-цехтары, қойма бөлмелері бар және өзін-өзі толық қаржыландыруда. Кәсіпорында шығарылатын барлық өнім сертификатталған.

Еске сала кетсек,биылғы жылдың 1 шілдесінен бастап жиһаз және жеңіл өнеркәсіп кәсіпорындары индустриялық сертификат болған жағдайда ғана мемлекеттік сатып алуға қатыса алады.

«Созақ ауданының «Ақниет» мүгедектер қоғамы Индустриялық сертификат алу үшін барлық қажетті процедуралардан өткен алғашқы Түркістан компаниясы болды. Енді компания «Атамекен» ҚР ҰКП отандық тауар өндірушілер тізіліміне енгізілген. Өнімнің барлық ассортиментіне фабрика сәйкестік сертификатына ие. Біз кәсіпорын индустриялық сертификат алу үшін лайықты деп есептейміз.  Бұл өндіріс көлемін арттырып, өнім түрлерін кеңейтуге мүмкіндік береді», – деп атап өтті кәсіпкерлер палатасының тауар шығаруын сертификаттау жөніндегі маманы Даулетияр Әліпов.

Жақын арада индустриялық сертификат алуға өтінім Түркістан облысының 10-ға жуық ірі кәсіпорындарына беріледі деп жоспарлануда.

Жаңалықтарға жазылу: