Болашақ мамандар ядролық медицина, smart city технологиясы, математикалық экономика, статистика және деректерді талдау, білім берудегі физика, ғылыми тарих, new media, тау-кен ісіндегі 3D модельдеу инженері, наноматериалдар және нанотехнологиялар бағдарламалары бойынша білім алады.
IT-мамандарға сұраныстың артуына байланысты ақпараттық-коммуникациялық технологиялар саласына да жаңа білім беру бағдарламалары енгізілді. Жоғары оқу орындары ауқымды деректерді талдау, жасанды интеллект технологиясы, криптология, IT-құқық, digital Engineering, робототехникалық жүйе, data Science, киберфизикалық жүйе, роботтандырылған пилотсыз ұшу аппараттары, IT-менеджмент, цифрлық экономика салаларына бағдарламашы даярлап жатыр.
"Соңғы жылдары еліміздің еңбек нарығында IT-мамандарға сұраныстың күрт өсуі байқалуда. Осыған орай жоғары оқу орындары мамандарға қойылатын талапқа сәйкес келетін білім беру бағдарламаларын әзірледі. Іс барысында жоғары оқу орындары жұмыс берушілердің сұранысын ескерді", – деді Білім және ғылым министрлігі жоғары және жоғары оқу орнынан кейінгі Білім департаментінің директоры Әділет Тойбаев.
Біле жүріңіз, биыл ақпараттық-коммуникациялық технологиялар саласының мамандарын даярлауға 10 мыңға жуық грант бөлінді.
Қанат Махамбет
