Бұл өткен жылдың сәйкес кезеңіне қарағанда 9%-ға аз. Транзакциялар саны 3,2%-ға артып, бір аударымның орташа чегі 11,8%-ға, яғни 369,5 мың теңгеге дейін азайды, деп жазады inbusiness.kz finprom.kz порталына сілтеме жасап.
Шетелден ақша аударымдары жүйесі арқылы алынған қаражат көлемі айтарлықтай төмендеді: бірден 2 есе. Транзакциялар саны 27,2%-ға азайды. 2023 жылғы қаңтар-тамыз айларында шетелден алынған бір аударымның орташа чегі 276,2 мың теңге болды.
Шетелге жіберілген аударымдардың жалпы көлемінің 75,7%-ы келесі елдерге тиесілі: Өзбекстан (178,7 млрд теңге), Ресей (151,4 млрд теңге), Түркия (142,6 млрд теңге).
Бұл ретте Өзбекстан мен Түркияға аударымдар көлемі қысқарса (тиісінше 11,4%-ға және 12,8%-ға), Ресейге ақша аударымдары 29,1%-ға ұлғайған.
Қомақты қаржы Грузияның үлесіне де тиді: 60,3 млрд теңге.
9 ай ішінде шетелден алынған қаражат көлемі бойынша Ресей көш басында: 80,5 млрд теңге. Ресурстың жазуынша, бір жылдағы көрсеткіш 2,8 есе азайған.
Одан кейінгі орындарда Өзбекстан (22,6 млрд теңге), Оңтүстік Корея (22,4 млрд теңге) және АҚШ (22 млрд теңге) орналасты.
