"Бірлік" партиясы хабарлағандай, дәстүр бойынша "Нұр Отан" партиясы "Бірлік" филиалының партия мүшелері ұйымдастырып, жыл сайын өткізілетін "Бір тамшы қан-сақталған өмір!" акциясына 150 ге жуық партия мүшесі қатысты, деп хабарлайды strategy2050.kz.
Қайырымдылық акциясына қатысушылар қатарында Республикамыздағы танымал тұлғалар - шығыстанушы, дінтанушы Дербісәлі Әбсаттар қажы Бағысбайұлы, Қазақстан Республикасының еңбек сіңірген қайраткері, "Astana-Opera" балетінің жетекші солисті Таир Гатауов және Тай боксы муай - тайдан екі дүркін Әлем чемпионы Николай Самусев қатысты.
"Дәл осындай акцияларға жыл сайын белсенді түрде қатысу дәстүрге айналғандай", - деді "Нұр Отан" партиясы "Бірлік" филиалы төрағасының бірінші орынбасары Шыңғыс Қожахметов.
"ҚР ДСМ "Трансфузиология ғылыми-өндірістік орталығымен" РМК бірлесіп төрт жыл қатар жүргізілген жұмыстың жемісті нәтижесі – ерікті түрде мыңға жуық адам қан тапсырған. Жыл сайын көбейіп отырған көрсеткіш елордамыздың азаматтарының парасатты және жағдайға немқұрайлы қарамайтындықтарын дәлелдейді. Қан тапсырушылар қатарын жастар құрайтыны қуантады, себебі, қан тапсыру-мейрімділік актісі болып саналады" - деп айтып өтті Ш.Кожахметов.
Айта кету қажет, қайырымдылық акциясының мақсаты ерікті қан тапсыруға қоғамның назарын аудару болып табылады.
14 маусымда халықаралық донор күні аталып өтті.
