Павлодарлық "Ертіс" ХК Қазақстан Кубогінің топтық кезеңінің соңғы ойынында астаналық "Номадты" қабылдап, 5:1 есебімен тізе бүктірді, деп хабарлайды pavlodarnews.kz.
Қос команда бір-бірінің қателіктерін күтіп, кездесуді өте сақ бастады. Ойынның 15-минутында қорғаушы Евгений Нестеров соққан шайбаның арқасында павлодарлықтар алға шықты. Екінші кезеңде Нестеров есепті еселеді. Қонақтар бір голдың есесін ғана қайтара алды. Ал, үшінші кезеңде Михаил Качулин, Евгений Гасников пен Василий Мордвинов сынды хоккейшілер мергендік танытып, есепті 5:1-ге жеткізді. Енді Томаш Вактың шәкірттері Қазақстан Кубогінің қола жүлдесі үшін көкшетаулық "Арланмен" таласады. Ойын 27-тамыз күні Көкшетау қаласында өтеді. Финалда петропавлдық "Құлагер" мен атыраулық "Бейбарыс" кездеседі.
Еске салайық, 2016 жылы ел Кубогінің финалында "Ертіс" екінші жыл алтынға таласаайын деп тұрған "Құлагерге" есе жіберген болатын. Өз кезегінде павлодарлықтар 2014 жылы Кубок иегері атанды.
