/img/tv1.svg
RU KZ
Hang Seng 23 182,08 KASE 2 209,51
FTSE 100 5 415,50 РТС 1 049,88
DOW J 21 056,82 Бидай 551,40
Былтыр Павлодарда 45 мың автокөлік тіркеуге алынған

Былтыр Павлодарда 45 мың автокөлік тіркеуге алынған

Республика бойынша тіркелген көліктердің 3,3 пайызы Павлодар облысына тиесілі.

06 Қаңтар 2020 17:26 3798

Былтыр Павлодарда 45 мың автокөлік тіркеуге алынған

Автор:

Фархат Әміренов

«ҚазАвтоӨнеркәсіп» Қазақстан автокөлік саласы кәсіпорындары одағының мәліметінше, 2019 жылы әкімшілік полиция органдарына 1 492 114 автокөлік тіркеуге алынған. Көрсеткіш 2018 жылмен салыстырғанда 12,2%-ға жоғары. Оның 1 385 356-сы бұған дейін тіркеуде болған көліктер. Яғни, олардың тек иелері ғана ауысқан. Ал жаңадан тіркеуге алынған көлік саны – 106 758. Аталған көрсеткіш 2018 жылмен салыстырғанда 27%-ға артып отыр.

Қолданыста болып, қайта тіркелген көліктердің 45 064-і Павлодар облысына тиесілі. Осылайша, Павлодардың жалпы республикалық деңгейдегі үлесі 3,3 пайызды құрап отыр. Ең жоғары көрсеткіш Алматы облысында тіркелген. Бір жыл ішінде бұл өңірде 210 898 автокөлік есепке алынған. Бұл республикалық деңгейдің 15,2%-ы. Ал ең төменгі көрсеткіш Солтүстік Қазақстан облысына тиесілі. Былтыр аталған облыста 31 758 көлік тіркеуге алынған. Үлеске шақсақ, 2,3% болып шығады. Павлодар облысы өңірлер арасында 13-орында тұр.

«Қайта тіркеуге алынған көліктердің үштен бірінің немесе 69,1%-ының қолданыстағы мерзімі 10 жылдан асып кеткен. 20 жылдан асқан көліктердің үлесі – 41,6%», – делінген «ҚазАвтоӨнеркәсіп»-тің хабарламасында.

Автонарықтағы жағдайға назар аударсақ, отандық автопарктің ескіріп келе жатқандығын аңғаруға болады. Мәселен, қолданыста жүрген мерзімі 20 жылдан асып кеткен көліктердің қайталама нарықтағы үлесі 2019 жылмен салыстырғанда 39,7%-дан 41,6%-ға дейін өскен. Ал нарыққа қосылғанына 1-3 жыл ғана болған көліктердің үлесі 4,5%-дан 3,5%-ға дейін төмендеген.

Еске сала кетейік, 2019 жылдың алдына ала қорытындыларына сәйкес, отандық кәсіпорындар 45 мыңнан астам көлік құрастырған. Өндіріс көлемі 2018 жылдың көрсеткіштерінен әлдеқайда жоғары. Әдеттегідей, өндіріс көлемі тұрғысынан «АЗИЯ АВТО», «СарыарқаАвтоӨнеркәсіп» секілді кәсіпорындар көш бастап тұр.

Фархат Әміренов

inbusiness.kz-ті қараңыз, оқыңыз :

Өндірісті өңір астанаға алақан жайып отыр

Павлодар бюджетінің үштен екісін республикалық қазынадан бөлінетін қаржы құрайды.   

24 Ақпан 2020 09:57 2513

Өндірісті өңір астанаға алақан жайып отыр

Павлодар облысының 2020-2022 жылдарға арналған үш жылдық бюджеті бекітілгенін жақсы білеміз. Деректерге сүйенсек, биылғы бюджеттің жалпы кірісі 210,9 млрд теңге екен. Болжамға сәйкес, оның тек 32,6 млрд теңгегесі ғана өңірдің өзінен түседі екен. Яғни, бұл – салық органдары арқылы жеке тұлғалар мен бизнестен жиналып, жергілікті қазынаға түсетін қаржы. Бұдан бөлек, аудандар мен қалалардан облыстық қазынаға 47 млрд теңге аударылады. Ал қалған 130,9 млрд теңге – республикалық бюджеттің қаржысы. Бұл дегеніміз облыстық бюджеттің шамамен 62 %-ын республикалық қазынадан бөлінетін қаржы құрап отыр. Демек, республикалының өндірістік орталық өзін-өзі қамтамасыз ете алмайды деген сөз. Сонда өңірдің табиғи байлығы жыртыққа жамау бола алмағаны ғой.

Павлодар облысы әкімдігінің ресми сайтында келтірілген мәліметке ден қойсақ, өңірдің барлау жүргізілген табиғи ресурстарының қоры 460 млрд долларға бағаланған екен. Республикадағы көмір қорының 70 %-ы, электр энергиясы мен мұнай өнімдерінің 40 %-ы, ферро қорытпаның 75 %-ы Павлодар облысына тиесілі. Бұған республика бойынша тек осы өңірге ғана тиесілі алюминий өндірісін қосыңыз. Мыс өндіретін Бозашкөл кен байыту комибинаты да Павлодар облысының аумағында орналасқан. Сонымен қатар, бұл тізімді қара металлургия, болат құбыр өндірісімен айналысатын ірі кәсіпорындармен жалғастыра беруге болады. Өкінішке қарай, табиғаттың осынау мол қорына иелік ете тұра, Павлодар облысы республикадағы жалпы ішкі өнімнің 4,2 %-ын ғана қамтамасыз етіп отыр. Былай қарасаңыз, қисынсыздау дүние.

Ал енді мына бір дерекке назар аударыңыз. Республикадағы ірі өндірістік кәсіпорындардың көп бөлігін иеленіп жатқан Павлодар облысы бойынша биыл зауыттар мен электр станцияларынан, көмір кеніштері мен басқа да өндірістерден небәрі 79 млрд теңге салықтық түсім түседі екен. Мынадай мол байлықтан осыншама аз ғана түсім түседі дегенге сену қиын, әрине. Сөйтсек, өндірістік өңірлердің табысы ірі корпорациялардың елордадағы бас кеңселеріне ауып кетеді екен. Жұмыстың бәрі өңірлерде атқарылғанымен, қызығын жоғарыда отырғандар көреді. Ал проблеманың бәрі өңірлерде қалады. Экологиялық қалдықтар, онкология, әлеуметтік һәм коммуналдық проблемалар, аз ғана жалақыға қарап отырған еңбек ұжымдары... Мұның бәрі өңірлерде ғана орын алып отыр. Мыңдаған адамның еселі еңбегімен келген мол табыстың қызығын көріп отырған астанадағы корпорация басшылары салықты республикалық бюджетке төлейді, әрине. Осылайша, өңірлер несібесінен қағылып отыр.

Сондықтан Павлодар облысының республика экономикасындағы жалпы үлесі 4,2 %-ды құрап отыр. Ал Шығыс Қазақстан және Қарағанды секілді ірі өңірлердің үлесі 6 және 8 %-ға тең. Алматы мен Нұр-Сұлтан қалалары, сондай-ақ Маңғыстау мен Атырау облыстары Қазақстан экономикасындағы  донор өңірлер болып саналады. Яғни, олар өздерін ғана емес, республиканың өзге аймақтарын да қамтамасыз етіп отыр. Бұл қатарға Павлодар облысы қосыла ала ма? Ол енді бөлек әңгіме.

Фархат Әміренов

Былтыр Павлодар жолдарынан 400-дей кемшілік анықталды

Жол салушылар техникалық талаптарды сақтамайды және құрылысқа сапасыз материалдарды пайдаланады.  

01 Ақпан 2020 12:58 2543

Былтыр Павлодар жолдарынан 400-дей кемшілік анықталды

Жол активтерінің ұлттық сапа орталығы Павлодар облыстық филиалының мамандары былтыр өңірдегі жол құрылыстарынан 400-дей заң бұзушылықты анықтаған. Олардың дені республикалық маңызы бар жолдарда орын алған. Мамандардың айтуынша, жол салушылар көп жағдайда жолдарды жөндеу, салу және қайта жаңарту жұмыстарының технологиясын сақтамайды.

Жергілікті басылымдарға берген сұхбатының бірінде Жол активтерінің ұлттық сапа орталығы Павлодар облыстық филиалының басшысы Талғат Қайратхан өткен жылдың қазан айында 2017 жылы пайдалануға берілген Майқайың – Екібастұз жолынан екі өрескел заң бұзушылықты анықтағанын жеткізді. Құрылыс жұмыстарымен «Гидропром» және «СКА Статус люкс» жауапкершілігі шектеулі серіктестіктері айналысқан.

«Тексіріс қорытындысы бойынша Павлодар облыстық қала құрылысы және жерге орналастыру басқармасына авторлық және техникалық қадағалау қызметтеріне шара қолдану туралы хат жолданды. Осыған ұқсас заң бұзушылықтар Чернорецк – Ольгино – Успенка – Шарбақты автожолынан да анықталды. Жол учаскесінен алынған сынамалардың жетеуі талап етілген стандарттарға сәйкес келмеді. Тексеру нәтижелері бойынша жолаушылар көлігі және автомобиль жолдары бөлімі сотқа талап арыз берді», – деді Талғат Қайратхан.

Жол құрылысындағы кемшіліктер техникалық стандарттардың сақталмауымен, материалдардың сапасыздығымен, оларды дұрыс таңдамаумен және жолдың үстінгі қабатын төсеу кезіндегі процестің бұзылуымен байланысты.

«Мердігер компаниялардың бірі абыройын жоғалтып алмас үшін адал жұмыс істейді. Енді бірі қаржы үнемдеуге тырысады. Мұндай заң бұзушылықтарды болдырмас үшін жобалық және техникалық қадағалау қызметтері ұйымдастыру мен құрылыс процесін үнемі қадағалап отыруы керек. Өкінішке қарай, бұл талаптар әрдайым сақтала бермейді. Біздің орталық инспекциялық бақылауды жоспарсыз, кездейсоқ жүргізеді.Ал жобалық және техникалық қадағалау қызметтері нысанды тездетіп тапсырып, қаржы игеруді ғана көздейді», – дейді филиал басшысы.

Оның сөзінше, техникалық қадағалау мамандары үнемі құрылыс алаңында болып, көшедегі температура мен төселген асфальтты өлшеуге дейінгі жұмыс технологиясын қадағалап отыруы керек. Бұл ретте, заң бұзушылықтар орын алған жағдайда жауапкершілік тек мердігер мен тапсырыс берушіге ғана емес, сонымен қатар техникалық қадағалау қызметкерлеріне де жүктелуі керек.

Деректерге сүйенсек, Жол активтерінің ұлттық сапа орталығы былтыр жол құрылысы жобаларына ведомстволық сараптама жүргізу арқылы бюджеттің 1,6 млрд теңгесін үнемдеген. Жалпы, орталық жол құрылысындағы кемшіліктерді ертерек жою арқылы жолдардың шығындарын оңтайландыруға мүмкіндік береді деп күтілуде. Осылайша күрделі шығындарды 10 пайызға төмендетеді деген болжам бар.

Жалпы, Жол активтерінің ұлттық сапа орталығы былтыр республика жолдарына 13 мыңға тарта тексеріс шарасын жүргізіп, 5 мыңнан астам түрлі олқылықты анықтаған.

Еске салайық, Жол активтерінің ұлттық сапа орталығы Үкімет Қаулысына сәйкес, 2019 жылы облыстық 16 жол зертханасын біріктіру арқылы құрылған болатын. Орталықтың Павлодар облыстық филиалы да өткен жылдың мамырынан бастап іске қосылды.

Фархат Әміренов

inbusiness.kz-ті қараңыз, оқыңыз :

Жаңалықтарға жазылу: