Ұлттық жобаларды жүзеге асыруға қанша қаражат керек

Ұлттық жобаларды жүзеге асыруға қанша қаражат керек

13:20 03 Шілде 2021 1985

Ұлттық жобаларды жүзеге асыруға қанша қаражат керек

Автор:

Дәурен Ерболат

Қазақстан Президенті жанындағы реформалар жөніндегі жоғары кеңес 10 негізгі ұлттық жобаны айқындаған. 

Елімізде 2025 жылға дейінгі дамудың  ұлттық жобалар тізімі бекітілген. Бұл туралы Стратегиялық жоспарлау және реформалар агенттігінің төрағасы Қайрат Келімбетов айтты, деп хабарлайды inbusiness.kz тілшісі.

Оның айтуынша, ұлттық жобалар тізіміне сапалы білім беру, денсаулық сақтау, экономикалық өсім, құқықтық мәселелер енген.

"Цифрландыру және Үкіметтің кешіктірілген статистикаға емес, деректер негізіндегі бағдарламаларға сәйкес технологиялық серпіліске баса мән беріледі. Бұл – ғылымды коммерцияландыру, инновацияларды дамыту, инфрақұрылымды, оның ішінде ақпараттық-коммуникациялық инфрақұрылымды қолдау бойынша жаңа технологияларды пайдалану, кәсіпкерлікті дамыту салалары",деді Қайрат Келімбетов Astana Finance Days конференциясы аясында өтіп жатқан "Қазіргі даму кезеңіндегі Қазақстанның ұлттық басымдықтары" сессиясында.

Сонымен қатар ол гуманитарлық бағдарламаларға, оның ішінде креативті индустрияларды дамыту, болашақта мәдени әлеуетті қоғам құру тұрғысынан "Рухани жаңғыру" бағдарламасына мән берілетінін жеткізді.
Агенттік төрағасы агроөнеркәсіп кешені Қазақстанның маңызды драйвері ретінде есептелетінін айтты.

"Бұл салаға Үкімет ерекше көңіл бөліп отыр. Секторға ауқымды ресурстар тартылып жатыр. Мәселені талқылау барысында мемлекеттік органдар мемлекеттегі 2 есе артық ресурс көлемін бөлуді ұсынды. Пікірталас барысында бюджет мүмкіндігі бары айтылды. Алайда оның мүмкіндігі алдағы 5 жылмен шектелген",– деді басшы.

Қайрат Келімбетов бұл мәселеде мемлекет қаржысымен шектеліп қалмай, жеке қаражат тарту керегін жеткізді.

"Басымдықты бюджетке емес, көбінесе инвестиция тартуға, кредиттің қолжетімділігі, мемлекеттік-жекешелік әріптестік туралы ойлануға, яғни бюджет шығыны есебінен емес, экономикалық өсім мүмкіндіктерін барынша қарастыруға 
міндет қойылды. Оны Президент Үкіметке жүктеді. Ол бойынша Үкімет жұмыс істейді",– деді агенттік төрағасы. 

Сессиядағы модератор, экономист Рахым Ошақбаев бұл тапсырманы жүзеге асыру маңызды екенін атап өтті.

"Үкіметтің бағалауынша, ұлттық жобаларды жүзеге асыру үшін шамамен 80 трлн теңге керек: жылына шамамен15 триллион теңге. Бұл бюджеттің барлық шығынынан көп. Білім беруге баса назар аударылғаны қуантарлық жағдай. Себебі, Дүниежүзілік банктің соңғы дерегінше, Қазақстан адами даму индексі бойынша 10 жылда барлық прогресін жоғалтты. Өкінішке қарай, қала мен ауылдағы өмір сүру сапасы, сапалы білім алу, оқыту тілі бойынша айырмашылық теңсіздік тудырды", деп түйіндеді сөзін экономист.

Дәурен Ерболат


Atameken Business Telegram каналына жазылып, маңызды ақпараттардан бірінші болып құлағдар болыңыз ! 

kazakstannyn-kytajlyk-investory-nelikten-aksh-tyn-kara-tizimine-ilikti

koronavirustyn-tortinshi-tolkyny-bastaldy-zhanbarbek-bekshin

ayakkiimdi-tanbalau-nelikten-kejinge-shegerildi

kostanaj-oblysy-un-ondirisinde-kosh-bastap-tur

karzhylyk-sauattylykty-arttyrudy-shugyl-kolga-alu-kerek-sarapshy

загрузка

×