1 қазаннан бастап депозит нарығында маңызды өзгеріс күшіне енеді. Бірақ бірден нақтылап алайық, бұл барлық депозиттің мөлшерлемесі өседі деген сөз емес. Өзгеріс тек шетел валютасындағы, нақтырақ айтқанда, мерзімі 12 айдан ұзақ жинақ салымдарға қатысты болмақ. Бұған дейін мұндай депозиттер бойынша шекті мөлшерлеме жылына 1 пайыз болса, 1 қазаннан бастап ол 2,5 пайызға дейін көтеріледі.
