Президенттің бизнес өкілдерімен кездесуі жаппай талқыға түсіп, көптеген бастамаларға негіз болып жатыр. Өткен шығарылымдарымызда біз кездесудің қорытындысын тарата отырып, бизнестің заңмен қорғалуы, сондай-ақ экономиканы индустрияландыруда бизнестің рөлі мен мүмкіндіктері жайлы баяндадық. Бүгін назарларыңызға салық саясатын оңтайландыруға қатысты Президент айқындаған міндеттерге тоқталамыз.
Салық саясаты алдымен бизнесті де, экономиканы да ынталандыратын болуы тиіс. Бизнес өкілдерімен болған кездесуде Президент экономиканы ынталандыратын әділ салық саясатын жүргізу бес негізгі міндеттің бірі екенін айтты.
