Адамның ұзақ өмір сүруі өзі тұрған елінің бай-қуатты болуына және қоршаған ортаның тазалығына тікелей байланысты деп жатады. Мұның сыртында экологиялық таза тамақты, соның ішінде ұлттық тағамдар мен сусындарды ішіп-жеу, салауатты өмір салтын ұстану, еңбек пен демалыстың дұрыс жүйесі, тағы-тағы жақсы нәрселердің бәрі өмірді ұзартатын болар. Ең бастысы – мемлекеті өз халқына мырза болса, адамдардың ешнәрсеге алаңдауына негіз болмаса, ондай ел бақытты болғандықтан адамдарының өмір жасы ұзақ болатыны рас шығар.
