Банктерге қарызға белшесінен батып, оны өтеуге шамасы келмей титықтап жүргендерге мемлекет қол ұшын созып отыр. Енді олар «мен банкрот болдым, беретін түгім жоқ» деп банкроттық санатты алуға өтініш бере алады. 2022 жылғы 29-желтоқсанда ҚР Парламент Сенаты «Қазақстан Республикасы азаматтарының төлем қабілеттілігін қалпына келтіру және банкроттығы туралы» Заңды мақұлдады. Банк берешегін өтей алмай жүргендер банкроттыққа өтінішті 2023 жылдың алдағы 3-наурызынан бастап береді.
