Бос жұмыс орны ашылғанын жасырып қалуға тырысатын жұмыс берушілер қатары көбейген. Еңбек инспекциясы былтыр мұндай заң бұзушылықтың 31, биыл 65 фактісін тіркеген көрінеді. Заңға қайшы әрекет 96 жұмыс берушінің 82-сіне ескерту жасалып, бесеуіне айыппұл салынған. Не үшін айыппұл арқалағандарын түсіндіре кетейік. Әлеуметтік кодекстің 103-бабына сәйкес, жұмыс беруші жаңа вакансияларды 5 жұмыс күні ішінде электронды еңбек биржасына орналастыруы тиіс. Ал олар бұл талапты ескермеген. Жалпы бұл талаптың өзі орынды ма? Мемлекеттің мүддесі мен кәсіпкерлердің көзқарасы қандай? Саралап көрдік.
