Соғыс басталғалы бері Қазақстаннан Украинаға гуманитарлық көмек жөнелтіліп келеді. Қазіргі уақытта Украина қалалары мен селоларында жарық пен жылу тұрақты беріліп жатқан жоқ. Себебі Ресей әскері жылу қазандықтары мен электр станцияларын ұзақтан атқылап, кейбірін істен шығаруда. Ал мезгіл болса қыс. Мұндайда көмектің қандай түрі болса да артықтық етпейтіні белгілі.
