Қазіргі жаугершілік заманда әр нәрсеге дайын болу керек. Мысалы, күтпеген сәтте жан-жақтан анталаған босқындар көбейіп кетуі ғажап емес. Қазақстан келімсектерді құшақ жая қарсы алатын, тіпті алдына түсіп бар жағдайларын жасайтын мемлекет. Мүмкін бұл да көпвекторлы саясатымыздың көп көрінісінің бірі болар. Әрине, сырттан келген адамның зияны жоқ болса керек. Тіпті олардың арасында экономикамызға пайда әкелетіндері де аз болмайды деп жатады. Дегенмен пана іздеп келген босқындар шамадан тыс көбейіп кетсе, онда бақылау орнату керек болатыны тағы бар.
