Бүгінде төрт құбыласы түгел билеуші кемде-кем. Соған қарағанда елді басқару да оңай шаруа емес. Бір адам миллиондаған адамның көңілінен шықса қой үстіне бозторғай жұмыртқалайды, ал шықпаса соңынан сөз ілеседі. Билікке наразы болғандар өз алдарына қоғам құрады, қит етсе атойлап шығады. Жүрегі қатайған билеуші болса ондай-ондайға пысқырып та қарамайды. Ал ішінде қыжылы бар адамдар билеушісінің осалдығын бетке басудан шаршамайды.
